قصه قصيره

هنا وأخت زوجها بقلم الكاتبه نور محمد

فجأة الباب اتفتح.. دخل أحمد ووشه شاحب زي الأموات، وجنبه ولاء مكسورة وعينيها وارمة من العياط.

أحمد (قرب مني): “هنا.. حبيبتي.. حمد لله على سلامتك، أنا..”

أنا (شاور بـ إيدي): “متنطقش اسمي.. ولا تقرب مني. أنت طلقتني يا أحمد.. فاكر؟”

أحمد (بارتباك): “كنت ساعة شيطان، والواحد كان مضغوط، أنا رديتك في سري والله، أنتِ لسه مراتي.”

طارق (دخل في الكلام): “مراته إيه يا “أستاذ”؟ أنت طردتها وهي بتموت عشان خاطر الفلوس اللي كنت قابضها من خالد.. مدام هنا حكت لي كل حاجة وهي بتفوق.”

أحمد (بص لطارق بغل): “أنت مالك أنت؟ دي مراتي ودي شقتي!”

أنا (ضحكت بوجع): “شقتك؟ أنت نسيت إن الشقة دي “مكتوبة باسمي” بفلوس ورثي من بابا؟ أنت نسيت إنك كنت عايش فيها بجميلي؟”

أحمد اتسمّر مكانه.. كأنه لسه فاكر الحقيقة دي.

أنا: “أنا دلوقت بس فهمت ليه كنت عايز عيال ولاء يقعدوا.. عشان الفلوس اللي قبضتها.. وعشان “تذلني” في بيتي اللي أنت ملكش فيه طوبة.. بس خلاص، المسرحية خلصت.”

ولاء (قربت من السرير بكسرة): “هنا.. أنا آسفة، أنا كنت عامية، كنت فاكرة أخويا سندي، طلع هو اللي مرتب مع خالد عشان يرمي عيالي ويقبض التمن.. طارق قالي إنه هيرجعني لذمته عشان العيال ميتشردوش، وأنا وافقت.. بس بالله عليكي سامحيني.”

أنا (بصيت لها): “مسامحاكي يا ولاء.. لأنك ضحية زيك زيي.. بس أحمد ملوش سماح عندي.”

أحمد (بدأ يزعق): “يعني إيه؟ هترمي جوزك في الشارع عشان غلطة؟ أنا كنت بآمن مستقبل ابننا!”

أنا: “ابننا ملوش أب خاين.. ابننا بيته مش “سبيل” للي يدفع.. اخرج بره يا أحمد، وورقة طلاقي توصلني بكرة، وإلا المحاضر اللي طارق وعساكره سجلوا فيها طردك ليّ بالليل هتبقى في المحكمة.”

أحمد بص لولاء، لقاها واقفة جنب طارق وعيالها، بص ليّ لقى في عيني “قوة” عمره ما شافها.. خرج يجر خيبته، والفلوس اللي كان فرحان بيها، صرف نصها على “الشرط الجزائي” اللي خالد طلبه لما الجوازة باظت.

النهاية: هنا رجعت بيتها.. البيت اللي بقاله “صوت وحرمة”. أحمد خسر كل حاجة: مراته، ابنه، أخته، وحتى الفلوس. ولاء اتعلمت إن “الراجل” اللي يشرط عليكي ترمي ضناك، ميبقاش سند.. وإن “الأخ” اللي يبيعك بالفلوس، ميبقاش عوة. البيوت مش حيطان يا نور.. البيوت “قلوب” وأصول.. واللي يهد الأصول، الحيطان بتقع فوق دماغه.

#الكاتبة_نور_محمد

إيه رأيكم في القفلة دي؟ هل “هنا” كانت قاسية ولا ده حقها الطبيعي؟ ولو حابين نكمل القصص ادعم القصه بلايك وكومنت للاستمرار

3 من 3التالي
تابع المقال

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى