جوزي “طارق” محاسب في شركة مقاولات بقاله تلات سنين… اتجوزنا جواز صالونات عادي، راجل في حاله، من الشغل للبيت، ومن البيت للشغل. في الأول، كل حاجة كانت ماشية عادي… طارق كان هادي بزيادة، كلامه قليل، وردود أفعاله دايماً متوقعة ومفيهاش أي مفاجآت. بس الحقيقة اللي محدش قالها بصراحة… إن الهدوء ده كان مجرد غطاء لمصيبة. أنا بشتغل مدرسة… ويومي بيبدأ بدري وبيخلص مع جرس المرواح. وطارق؟ طارق كان دايماً يقفل على نفسه أوضة المكتب بحجة “شغل الحسابات اللي مبيخلصش”.
في يوم، كنت راجعة من المدرسة تعبانة واستأذنت بدري، لقيت البيت ساكت بشكل غريب. مش صوت الهدوء الطبيعي… لا… سكون يخوّف. دخلت لقيت باب أوضة المكتب اللي طارق دايماً قافلها بالمفتاح… متوارب. استغربت… لأن طارق عمره ما بينسى الباب ده مفتوح، وهو المفروض في الشغل. قربت من الباب… مديت إيدي. قلبي بدأ يدق بسرعة… فتحت الباب بهدوء… ولأول مرة… أشوف عالم طارق الحقيقي. مفيش ورق شغل عادي، ولا ملفات حسابات الشركة… درج المكتب اللي تحت كان مفتوح، وجنبه شنطة سودا صغيرة.
بمجرد ما عيني وقعت على اللي جوه الشنطة، اتجمدت في مكاني. الشنطة كانت مليانة رزم فلوس كاش، مبالغ مستحيل تكون من مرتبه، وجنبهم تليفون زراير قديم غير تليفونه، وإيصالات أمانة ممضية على بياض، وورق تنازلات عن أملاك. الكلمة نزلت عليّ زي الصد.مة. – “الفلوس دي كلها منين؟! وإيه الورق ده؟!” فجأة، سمعت صوت باب الشقة بيتفتح. حاولت أخرج بسرعة بس خطوته كانت أسرع… وقف على باب الأوضة، ووشه جاب ألوان لما شافني، بس فجأة ملامحه اتحولت لجمود ورهبة:
– “رجعتي بدري ليه يا ياسمين؟” حاولت أتكلم… بس صوتي اختفى: – “إنت… إنت جايب الفلوس والورق ده منين؟ إنت بتعمل إيه من ورايا؟” سكت لحظة… قفل باب الشقة بالمفتاح من جوه، وبعدين قال أخطر جملة سمعتها منه – “الورق ده لو اتعرف إنه هنا… أنا وإنتي مش هيطلع علينا نهار.” الدنيا لفت بيا. لو طارق مش مجرد محاسب عادي… أومال هو متورط في إيه؟ اختلاس؟ غسيل أموال؟ ومين الناس اللي ممكن تأذينا؟ أنا؟ مصيري إيه دلوقتي؟
مش هقدر أهرب. قرب مني خطوة، ومسك التليفون الزراير اللي في الشنطة… رد على مكالمة كانت بترن من رقم غريب، وقال بصوت مهزوز وعمري ما سمعته منه قبل كده… #الكاتبه_نور_محمد رد على المكالمة اللي كانت بترن من الرقم الغريب، وقال بصوت مهزوز، صوته كان بيرتعش بطريقة عمري ما شفتها في طارق العاقل الهادي: – “أيوه يا باشا… لا والله، كله تمام وفي الحفظ والصون… زي ما اتفقنا، بكرا الصبح هيكونوا على مكتبك… لا يا باشا، محدش يقدر يفتح بقه.”
قفل الخط، ووشه كان عبارة عن لوحة من الرعب الصافي. العرق كان بينزل من جبينه رغم إن الجو مكنش حر. رمى التليفون الزراير في الشنطة وقفلها بسرعة، وبعدين بصلي. الكاتبة نور محمد – “إنتي إيه اللي جابك دلوقتي يا ياسمين؟ ليه مرجعتيش في ميعادك؟!” قالها بصوت مكتوم، كأنه خايف حد برا الشقة يسمعه. – “إنت بتزعقلي؟! إنت اللي المفروض تفهمني إيه القرف ده! إنت بتشتغل مع مين يا طارق؟ ومين الباشا اللي بتكلمه بخوف كده؟”
