الحلقة الأولى
ألو يا رشيد عامل ايه هتنزل السنة دي زي ما اتفقنا؟
للأسف يا كوثر مش هقدر أنزل السنة دي كمان.
يا رشيد انت بقالك سنتين مابتنزلش طيب على الأقل ابعتلي وانا اجيلك.
لا طبعا لو جيتي مش هقدر اصرف عليكوا ولا اخد بالى منك انتي والواد خليكي عندك احسن وانا هبعتلك مصاريفكم انا تعبت من المسئولية لوحدي والواد بيسأل عليك ومالك كان نفسه تكون معاه اول يوم فى المدرسة.
معلش يا كوثر استحملي وانا يعني بشتغل وبتعب ومتغرب كده ليه مش عشانك انتي والعيال اصبرى عليا كلها سنة وارجع.
حاضر يا رشيد هصبر وأمرى لله طيب ماتنساش تبعت فلوس عشان محتاجة لبس ضرورى للولد وعشان مصاريف المدرسة ومحتاجة حاجات كتير للبيت.
حاضر حاضر هبعتلك يلا سلام بقى عشان عندى شغل. مع السلامة.
أغلقت كوثر الهاتف مع رشيد وظلت تفكر في وضعها فبعد زواجها من رشيد بثلاث سنوات أتت له فرصة سفر وسافر هو وتركها بمفردها مع امه وبعد سفره بسنة توفت والدته أتى فقط وقت العزاء وبعدها سافر مرة أخرى ولم ينزل ليراهم فقط يتصل بها ويرسل لها مصاريف بالكاد تكفيها.
قاطع شرودها صوت رنين هاتفها وكانت إحدى صديقاتها.
ازيك يا كوثر عاملة ايه؟
الحمد لله ازيك يا مريم انا بخير.
بقولك يا كوكو عايزاكى تيجى معايا بكره كده كام مشوار محتجاكى معايا.
هتروحى فين؟
عايزة اجدد البطاقة بتاعتى واكتب فيها متزوجة وبعدها هجيب شويه حاجات للبيت تصدقى انا عايزة اجدد البطاقة انا كمان من ساعة ما اتجوزت انا ورشيد مجددتش البطاقة تصورى لحد دلوقتى مكتوب فيها انسة.
خلاص سيبى مالك لمامتك وتعالى نجددها سوا.
خلاص اتفقنا سلام.
أغلقت مع صديقتها الهاتف وقامت بتحضير قسيمة الزواج حتى تستطيع تجديد بطاقتها وبالفعل فى اليوم التالى ارتدت ملابسها ومرت صديقتها عليها واخذت الولاد واعطتهم لوالدتها وذهبت برفقة صديقتها للسجل حتى تجدد البطاقة.
قامت بملء الاستمارة وبلغتها الموظفة أن يأتوا بعد يومين لأخذ البطاقة.
تحدثت صديقتها بفرحة: أخيرا هبقى مدام رسمى انا مش عارفة إنتى ازاى فضلتى الست سنين اللى فاتوا دول من غير ما تجدديها اديكى دفعتى غرامة تأخير مش مهم المهم انى جددتها خلاص جوزك هيرجع امته صحيح؟
مش عارفة كلمنى وقالى إنه مش هينزل السنة دى كمان مش عارفة ليه.
يا زينب انا شاكة فى جوزك ده.
حرام عليكى يا مريم ده مطحون فى الشغل ربنا يستر ومايكونش متجوز هناك عشان كده خايف انك تسافريله.
يا شيخه حرام عليكى هو عنده وقت يكلمنى عشان يتجوز.
يارب ياختى اطلع سيئة الظن. بس بقولك ايه افرضى فعلا طلع متجوز هناك هتعملى ايه وقتها؟
ده انا اقتله.
فيها هبلة هو اننى تقدرى تؤذي نمله لما تموتيه عموما لو منزلش السنة دى انتى لحى عليه إنك تسافريله.
لا انا بفكر اجدد البطاقة واطلع بسبور سفر واسيب العيال لماما واعمله مفاجأة واسافرله.
تصدقى فكرة حلوه اعمليها.
ذهبت بعد ذلك كوثر واخذت الاولاد وعادت لمنزلها مرة أخرى. مر ثلاث ايام وذهبت كوثر مرة اخرى برفقة مريم لتستلم البطاقة الجديدة ولكنها لم تجدها وجدت فقط بطاقة مريم.
ذهب للموظف المسؤول وجدتهم لم يقوموا بتجديدها لانها مطلقة من سنتين. وقفت كوثر لحظات مصدومة تحاول استيعاب ما يقوله ذلك الموظف لها.
تحدثت بصوت يكاد يكون مسموع: لو سمحت حضرتك ممكن تتأكد مرة تانية اكيد في غلط انا متأكدة.
يا مدام مافيش مجال للغلط هنا كل حاجه متسجله على السيستم اسمك وبياناتك كلها موجوده عليه ازاى حضرتك مش عارفه إن جوزك مطلقك اللى بيحصل ده تزوير فى اوراق رسميه.
أخذتها مريم من يدها: بقولك ايه تعالى طيب نجرب نطلع قسيمة جواز ولو مطلعتش يبقى كلامهم صح ويمكن ده السبب اللى مخليه مابينزلش ورافض إنك تسافريله.
كانت نظرات الضياع فى عين كوثر واضحه تحاول أن تتعلق بأى أمل وأن يكون كل ذلك مجرد خطأ او تشابه اسماء.
بالفعل ذهبت كوثر لاخراج قسيمة الزواج ولم تجد غير قسيمة طلاق. وقتها تأكدت أن زوجها بالفعل قد طلقها حقا!
هل طلقها زوجها وتركها ورحل وترك لها المنزل ومسؤولية الاولاد؟ ماذا فعلت له كى يفعل بها هذا؟ لما تركها معلقه بذلك الشكل؟ لو لم يكن يريدها لما لم يبلغها؟
امسكت الهاتف وكادت أن تتصل به لكن مريم اخذت منها الهاتف: انتى هتعملى ايه؟
هتصل بيه أعرف ليه عمل كده معايا وايه السبب أنه يعمل فيا كده ده ماشفش منى غير كل خير.
اصبرى وفكرى الاول واعرفى ليه عمل كده لو واجهتيه دلوقتي ممكن يقفل تليفونه ومايردش عليكى تانى ويبطل يبعتلك مصاريف العيال وهو أصلا يا دوبك بيبعت اللى يكفيكوا بالعافيه.
قصدك ايه؟
ارضى بالأمر الواقع.
لا طبعا.
اصبرى ودورى وراه كويس واسألى صحابه واعرفى الاول عمل كده وليه وفى نفس الوقت أمنى نفسك إنتى وعيالك عشان لو معرفتيش تاخدى منه حاجه تبقى مأمنه نفسك كويس.
وقفت كوثر تفكر في حديث مريم فمريم محقه وعليها أن تفكر جيدا قبل أن تتخذ أى قرار وتكون حريصه فى حديثها مع ذلك الرجل الذى أصبح غريب عنها.
ذهبت للمنزل وظلت تتابع حسابه على مواقع التواصل الاجتماعي ولكنها لم تجد شئ يفيدها فقط منشورات لمواقف طريفه واشياء عاديه لا تجذب احد للتعليق عليها. لم تجد إلا شخص واحد فقط يعلق عليها. اخذها الفضول ودخلت حساب ذلك الشخص وظلت تفتش فى منشوراته إلى أن وجدت اكونت آخر باسم زوجها ولكنه يضع اسمه الأول مع اسمه الاخير لقب العيله.
حاولت دخول ذلك الحساب لكنها لم تستطع. ظلت تفكر كيف تصل لذلك الحساب ولما زوجها عفوا طليقها لديه حساب اخر ولم يضيفها عليه بعد.
تفكير تذكرت اسم صديق قديم لزوجها وقامت بعمل حساب وهمى باسمه وظلت تضيف به أشخاص بشكل عشوائي وتضع به منشورات حتى لا يشك زوجها به. وبعد مرور يومين عندما اصبح لديها عدد من الاصدقاء ارسلت طلب صداقة لزوجها من ذلك الحساب الوهمى لحسابه وبالفعل وافق زوجها على طلب الصداقة لذلك الحساب.
ودخلت حساب زوجها واستطاعت أن ترى تلك المنشورات. فى البداية كانت منشورات عاديه وهناك دائما امرأة تعلق عليه. دخلت حساب تلك المرأة ووجدت صورة الحساب الخاصة بها عباره عن صورة لزوجها ومعه تلك المرأة وكلا منهم يحمل طفل من الواضح أن الطفلين أخوه توأم.
هل حقا زوجها متزوج من غيرها ولديه أبناء لذلك تخلى عنها وعن أبناءه وطلقها منذ عامين دون علمها؟ هل فعل ذلك كى يجعلها داده لأبنائه دون اجر داده يثق انها ستربى له ابنه الذى تخلى عنه هو؟
ظلت غالقه على نفسها لمدة أسبوع تفكر: هل بها شئ ليتخلى عنها زوجها بتلك الطريقة؟ هل هى حمقاء وساذجه بتلك الدرجة التى جعلتها تكون مطلقة من سنتين ولا تعلم فقط تقوم بدور الزوجة الوفيه المخلصة؟
