أنا كنت ممتلئة طول حياتي.. ممتلئة من النوع اللي الناس بتقف تبحلق فيا في محلات البقالة والأطفال الصغيرين يشاوروا عليا لما يشوفوني.. السنة اللي فاتت قررت إن كده كفاية وروحت اشتركت مع مدرب خاص.. خسرت حوالي 40 كيلو لحد دلوقتي.. أينعم فاضلي بتاع 30 كيلو على هدفي بس أنا لأول مرة احس إني بني آدمة من سنين.. أبويا اتجوز بعد أمي لما كان عندي 15 سنة.. مراته اسمها جيسيكا.. عندها بنت ف نفس سني اسمها بريتني..
بريتني كانت دايمًا البنت الحلوة الرفيعة اللي الكل بيهتم بيها.. كانت بتلعب كرة يد.. وعندها أصحاب كتير ومش بتخرج إلا مع الولاد المشاهير في المدرسة.. ف نفس الوقت أنا كنت باكل كل يوم ف حمام المدرسة لوحدي عشان بس اتجنب الناس اللي بتهزر على كميات الأكل بتاعتي.. أينعم بريتني عمرها ما قالت لي حاجة لئيمة مباشرة ف وشي واحنا بنكبر.. ولكن كان عندها طريقة كده.. بتقول تعليقات تحرق الدم..
يعني مثلًا لو أخدت طبق تاني على العشا.. تقولي “واااو.. انتي لسه جعانة؟؟”.. أو لو لبست حاجة جديدة تقول “بصراحة انتي شجاعه أوي إنك لابسه كده”.. دايمًا تعليقاتها كانت بصوت ناعم مزيف كده عشان تبان إنها بتحاول تساعدني.. لما بدأت اخسر وزن السنة اللي فاتت.. بريتني مقالتش أي حاجة في البداية.. بس كل ما كنت بخسر وزن زيادة والناس تبدأ تلاحظ.. كنت قادرة احس إن الموضوع مضايقها.. أصلها فجأة مبقتش هي الوحيدة اللي الناس بتجاملها..
ف التجمعات بتاعة العيلة.. القرايب كلهم كانوا بيتكلموا عن أد ايه شكلي بقى حلو.. وأد ايه هما فخورين بيا.. الأسبوع اللي فات كان عيد ميلاد أبويا ف بيته طبعًا.. لبست فستان كنت جايباه عشان لما أوصل لهدفي النهائي.. بس قررت البسه بدري عشان كنت حاسه بالثقة بالنفس.. أينعم المقاس ماكنش صغير – مقاس 14 – بس ده كان أصغر مقاس لبسته من وقت ما كنت ف المدرسة الإعدادي.. دخلت الحفلة وفورًا الكل كان بيمدحوني وبيتكلموا عن شكلي واد ايه حلوة..
عمتي حضنتني وقالت لي “شكلك رائع”.. بنت عمي سألتني “لازم تقولي لي أيه سر الحلاوة دي؟”.. حتى أصحاب جيسيكا كانوا بيسألوني “بتتمرني ازاي؟” كنت ف قمة سعادتي وثقتي بنفسي.. لحد ما بريتني دخلت الحفلة وعلى وشها ابتسامتها المزيفة المعتادة.. بصت لي من فوق لتحت بالراحة وقالت بصوت عالي عشان الكل يسمع “اووو.. واو.. شكلك احسن بكتير.. اقصد يعني إنك لسه ممتلئة بس على الأقل دلوقتي إنتي ممتلئة طبيعي.. بدل الوزن الزائد الشديد اللي كنتي فيها قبل كده.. شطوره”
كل الناس سكتوا فجأة.. حسيت وشي سخن من كتر الإحراج والغضب.. البت دي فضلت سنين تخليني احس إني شخص غير مقبول بسبب جسمي.. ودلوقتي لما أخيرًا بعمل تقدم وحاسه بإحساس كويس مش قادرة تخليني أستمتع بده.. حاجة جوايا اتحركت.. بصيت في عينها مباشرة وقولت لها “انتي عارفه يا بريتني.. انا ممكن أخسر وزن كمان.. بس انتي.. هتفضلي دايمًا شخص سيئ من جواكي.. ومفيش اشتراك في أي جيم هيقدر يصلح ده..”
مقدرتش اسكت.. كملت.. كل السنين وكل الغضب اللي كان جوايا طفح ف وشها.. وقولت لها “بجد أنتي صعبانه عليا.. انتي الغيرة والحقد أكلوكي عشان أنا أخيرًا بقيت مهتمه بصحتي.. بجد أنا مش متخيلة أد ايه حياتك تعيسة ونكد لدرجة إنك عشان تحسي إنك كويسة بتحاولي تضعفي ثقة غيرك في نفسه.. وخلي بالك كل اللي موجودين هنا شافوكي على حقيقتك السيئة.. اكبري بقى يا بنتي احنا مبقيناش في المدرسة الثانوي.. حاولي تلاقي حاجة مفيدة تعمليها ف حياتك بدل ما انتي عماله تتضايقي عشان الناس تشوفك حلوه.. ومهما عملتي للأسف شخصيتك الضعيفة السيئة طفحت على وشك وخلتك استغفر الله العظيم سيئة..
وبالأمانة أنا احسن لي أفضل ممتلئة للأبد على إني ابقى شبهك بأي شكل” لما خلصت كلام بريتني كانت بتعيط وتقريبًا نص المعازيم ف الحفلة بصين لي بصدمة.. جيسيكا بدأت تزعق لي وتقولي “عيب كده.. ميصحش كده” بابا حاول يهدي الموقف.. بس كان خلاص اللي حصل حصل.. بريتني دخلت جوه البيت تجري وجيسيكا راحت وراها.. الحفلة تقريبًا خلصت ف نفس الثانية وكل الموجودين اعتذروا ومشيوا بدري.. #احاديث_تيكتوكيه #LamiaaShaheen سجل الذهب في المعاملات الفورية، اليوم السبت قيمة 3390 دولارا للأونصة.
وقد تراجعت أسعار الذهب خلال الأسبوع المنقضي، مسجلة أول خسارة أسبوعية لها منذ نحو الشهر، في هبوط مفاجئ رغم تصاعد التوترات الجيوسياسية في الشرق الأوسط، والتي تعد عادة عاملا داعما للطلب على المعدن الأصفر كملاذ آمن في أوقات الأزمات.
وتراجع الذهب إلى ما دون مستوى 3400 دولار للأوقية، ليستمر بعد ذلك في مسار هبوطي تدريجي دون تراجعات حادة، حتى لامس مستوى قرب 3384 دولارا، وفقا لبيانات منصة «ماركت ووتش»، وتأتي هذه الخسارة الأسبوعية رغم أجواء الترقب والقلق المسيطرة على الأسواق العالمية، وسط احتمالات متزايدة لتوسع دائرة الحرب في الشرق الأوسط، وهو ما كان من المتوقع أن يدفع المستثمرين إلى زيادة مراكزهم في الذهب.
