قصه قصيره

سر جوزي طارق بقلم الكاتبه نور محمد

مسك دراعي جامد، عصر عليه لدرجة إني اتوجعت: – “وطي صوتك! إنتي مش فاهمة حاجة، ومش المفروض تفهمي. الفلوس دي والورق ده لو حد شم خبر إنهم هنا، إحنا الاتنين هنتد في مكاننا.” د.موعي نزلت من الخوف والصد.مة: – “قولي الحقيقة يا طارق… إنت حـ ـرامي؟ مختلس من الشركة؟” سكت ثواني، أخد نفس عميق، وقال بصوت مهزوز:

– “يا ريتني كنت حـ ـرامي عادي… أنا بشتغل مع ناس مبتعرفش ربنا. صاحب الشركة اللي بشتغل فيها مش مجرد مقاول، ده راجل بيسلف الناس بفوائد مضاعفة، واللي مبيقدرش يدفع، بياخد منه شقا عمره وتنازلات عن أملاكه ويمضيه على إيصالات أمانة… أنا اللي بظبطله الحسابات دي كلها من الباطن.” لطمت على صدري: – “يا نهار أسود! وإنت مالك ومال القرف ده؟ وإيه اللي جاب الورق والفلوس دي هنا في بيتي؟” بص للأرض وقال:

– “الباشا داخل في مشكلة كبيرة مع شريك ليه، وخاف البوليس أو رجالته يكبسوا على الشركة… طلب مني أخفي أهم ورق عنده والسيولة اللي بره البنك عندي كام يوم لحد ما الأمور تهدى. هددني لو رفضت هيلبسني أنا كل القواضي… مكنش عندي حل تاني.” الكاتبة نور محمد

كنت لسة هرد وأصرخ فيه، بس الكلمة وقفت في زوري لما سمعنا صوت خبط على باب الشقة. مش خبط عادي… خبط تقيل، متواصل، كإن اللي بره عايز يكسر الباب. طارق لونه اتخطف، وبقى أبيض زي الكفن. بصلي برعب وقال بهمس: – “مستحيل… محدش يعرف إن الحاجة هنا غير الباشا.” الخبط زاد، وصوت أجش من بره زعق: – “افتح يا طارق… عارفين إنك جوه… افتح بالذوق أحسن ما نفتح إحنا بطريقتنا.” طارق مسك الشنطة بسرعة البرق، وبص حواليه زي المذبوح، وبعدين سحبني من إيدي وفتح ضلفة الدولاب الكبيرة اللي في أوضة المكتب.

– “ادخلي هنا… ومطلعيش صوت، مهما سمعتي، مهما حصل… متطلعيش.” – “طارق إنت هتعمل إيه؟ أنا خايفة!” زقني جوه الدولاب، وحط الشنطة تحت رجلي، وقفل الضلفة عليا. من جوه الضلمة، بقيت سامعة كل حاجة. سمعت طارق وهو بيفتح باب الشقة… سمعت صوت خطوات تقيلة دخلت، مش واحد ولا اتنين، دول كتير. – “أهلاً يا رجالة… خير؟ الباشا بعتكم تاخدوا الحاجة دلوقتي؟” صوت طارق كان بيترعش. نفس الصوت الأجش رد ببرود: – “الباشا اتقبـ . ــض عليه من ساعة يا طارق… وإحنا جينا ناخد الورق والفلوس دي لينا إحنا، عشان نصفي الحسابات القديمة… فين الشنطة؟”

صمت مرعب سيطر على المكان… وفجأة، سمعت صوت تكسير في الصالة، وصوت طارق بيتوجع… وبعدها، خطوات تقيلة بدأت تقرب من أوضة المكتب… خطوة… خطوة… لحد ما وقفت بالظبط قدام الدولاب اللي أنا مستخبية فيه. وفجأة… حسيت بحد بيمسك مقبـ . ــض الدولاب وبيفتحه… مقبـ . ــض الدولاب لف ببطء… والنور خبط في عيني اللي كانت متعودة على الضلمة. كتمت أنفاسي، وغمضت عيني مستنية النهاية، بس فجأة لقيت إيد خشنة وضخمة بتتمد وتسحبني من دراعي وتوقعني على الأرض بره الدولاب.

فتحت عيني لقيت راجل ضخم، وشه مليان ندبات، بيبصلي بابتسامة مرعبة، وعينه نزلت على الشنطة السودا اللي كانت تحت رجلي. وطى بسرعة، سحب الشنطة وفتحها، وضحك بصوت عالي رن في الأوضة: – “لقيت الكنز يا رجالة… المحاسب كان مخبي الفلوس والورق مع المدام!” رفعت راسي، عيني لفت في الأوضة… شفت أسوأ منظر ممكن أشوفه في حياتي. طارق، جوزي الهادي العاقل، مرمي على الأرض، وشه بينزف، وهدومه متقطعة، وواحد تاني من الرجالة دايس على كتفه بالجزمة عشان ميتحركش.

حاولت أصرخ، بس صوتي مكنش طالع. د.موعي نزلت وأنا بشوف حياتي كلها بتنهار قدام عيني في لحظات. الراجل الضخم قفل الشنطة وشالها على كتفه، وبص لطارق باحتقار: – “كانت هتبقى ليلة سودة عليك لو ملقيناش الحاجة دي. الباشا بتاعك خلاص وقته خلص، والشارع دلوقتي بتاعنا. يلا يا رجالة.” لسه بيلفوا عشان يخرجوا من باب الشقة… حصلت الحاجة اللي محدش فينا كان متوقعها. صوت فرامل عربيات كتير وقفت تحت العمارة مرة واحدة… وبعدها بثواني، صوت خطوات تقيلة وسريعة جداً بترج السلم.

الرجالة بصوا لبعض برعب، والضخم صرخ: – “الحكومة! لموا الدور بسرعة وشوفوا أي مخرج!” بس كان فات الأوان. باب الشقة اللي كان مفتوح نص فتحة اترزع بقوة، وقوات الشرطة ملت المكان في ثواني، سـ . لاحهم متوجه لكل زاوية في الشقة. – “سلم نفسك ياض إنت وهو! حط الشنطة دي على الأرض وارفع إيدك!” الرجالة حاولوا يقاوموا في الأول، بس لما لقوا نفسهم متقفلين من كل ناحية، استسلموا ورموا أسلحتهم على الأرض. الشنطة السودا وقعت، واتفتحت، ورزم الفلوس وإيصالات الأمانة اتنطورت على سجادتي اللي كنت بنضفها كل يوم الصبح.

ظابط المباحث دخل بخطوات ثابتة، بص للرجالة المكلـ. .بشين، وبعدين بص لطارق اللي كان بيحاول يسند نفسه ويقوم. – “طارق عبد الرحمن… محاسب الباشا، ودراعه اليمين في تبييض الأموال وسرقة شقا الناس. الباشا اعترف على كل حاجة بمجرد ما اتقبـ . ــض عليه، وبلغنا إن الورق والسيولة هنا في بيتك.” طارق بص للظابط، وبعدين بصلي… نظرته كانت مليانة انكسار وضعف. ملامحه الهادية اللي كنت مخدوعة فيها السنين دي كلها، طلعت مجرد قناع لواحد جبان، اختار السكة السهلة والفلوس الحـ ـرام.

الظابط شاور للعساكر: – “خدوهم كلهم على البوكس… وحرزوا الفلوس والورق ده.” جم عساكر مسكوا طارق عشان يكلـ. .بشوه. في اللحظة دي، طارق وقف قدامي، وعينه مليانة د.موع: – “سامحيني يا ياسمين… أنا عملت كل ده عشان أأمن مستقبلنا. مكنتش عايزك تعيشي في مستوى أقل من أي حد. أنا آسف إني دخلتك في القرف ده.” بصتله بجمود غريب… الصد.مة كانت قــ . ـــتلت أي إحساس جوايا. – “مستقبلنا؟ المستقبل اللي مبني على خراب بيوت الناس ود.موعهم؟ إنت مكنتش بتأمن مستقبلنا يا طارق… إنت كنت بتبني سجــ . ــنك، وبتد.مر حياتي أنا كمان.”

نزل وشه في الأرض، والعساكر سحبوه لبره. بعد مرور ست شهور… قاعدة في بلكونة شقتي الجديدة، شقة صغيرة إيجار، بعيدة عن الشارع اللي عشت فيه أسوأ كابــ . ــوس في حياتي. بشرب قهوتي الصبح قبل ما أنزل مدرستي. طارق اتحكم عليه بـ 15 سنة سجــ . ــن في قضايا غسيل أموال، تزوير، وتسهيل استيلاء على أملاك الغير. عصابة الباشا كلها وقعت، والورق اللي كان في الشنطة كان السبب في رجوع حقوق ناس كتير كانت هتتظلــ . ــم وتتطرد من بيوتها.

أما أنا… فرفعت قضـ ـية خلع بمجرد ما طارق دخل السجــ . ــن، واتحكم لي بيها. اتعلمت درس قاسي جداً… اتعلمت إن الهدوء الزايد ممكن يكون وراه عاصفة، وإن الفلوس اللي بتيجي بسهولة ومن غير تعب، بتاخد معاها البركة والراحة والأمان. اكتشفت إن الروتين اللي كنت بشتكي منه في يومي وشغلي كمدرسة، هو ده نعمة الأمان الحقيقية. قرشي الحلال اللي بتعب فيه، حتى لو قليل، أحسن ألف مرة من ملايين مبنية على كدبة وخراب ذمم.

شربت آخر بق في القهوة، أخدت شنطتي، وفتحت باب الشقة عشان أبدأ يوم جديد… يوم حقيقي، مفيهوش أسرار، ولا بيبان مقفولة بالمفتاح. الكاتبة نور محمد لو عجبتك القصه ادعمها بلايك وكومنت للاستمرار مع تحياتي الكاتبه نور محمد

2 من 2التالي
تابع المقال

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى