حامل انا حامل، انت بتتكلم بجد يا دكتور؟ الدكتوره والكلام ده فى هزار. حامل ازاى يا دكتور؟ انت متأكد؟ طب اكشف تانى، اكيد تشخيصك غلط.
الدكتور: يا بنتى انا بقالى ٢٠ سنه دكتور نساء وتوليد، هغلط فى حاجه زى دى ازاى؟
حامل ازاى؟ انت هتجننى. طب اكتب لى على تحاليل عشان نتأكد. انا هتجنن يا نهار اسود. حامل طب ازاى؟
الدكتور: فى ايه يابنتى؟ الذهول ده من الفرحه ولا ايه؟
بظبط فرحه؟ فرحة ايه يادكتور؟ اعمل ايه انا دلوقتى؟ وازاى ده حصل؟
حامل؟ يالهوى. الدكتور: يابنتى فى ايه؟ هو انتى مش متجوزه ولا ايه؟ هو الحمل ده نتيجة غلطه؟
الدكتور: انتى ايه اللى بتقوليه ده؟ دا مستحيل، اكيد فى حاجه غلط. بس اللى اقدر اقوله ان الكشف بيقول غير كده خالص.
تقصد ايه يادكتور؟ الدكتور: اقصد اللى فهمتيه.
انت بتقول ايه؟ لا طبعا مافيش حاجه زى كده. انا انسانه محترمه وما أعملش حاجه تغضب ربنا ابدا. ارجوك يادكتور اتأكد، عيد الكشف عليا تانى، ارجوك يادكتور.
الدكتور: يابنتى انا متأكد، ولو انتى مش مصدقانى روحى لألف دكتور غيري هيأكدوا كلامى. وبعد اذنك اتفضلى عشان فى كشوفات منتظره بالخارج، لو سامحتى.
الدكتور نده الممرضه وقال ليها: خدى المدام واعملى للمدام كارت متابعة حمل. الممرضه: تفضلى معايا يامدام.
خرجت معاها وانا مش داريانه باللى حواليه ومش مصدقه كلام الدكتور، وبسأل نفسي: معقوله انا حامل فعلا؟ طب ازاى؟
الممرضه: اسم حضرتك؟ سالى حسام الدين. هزيت راسي بايوه. الممرضه: وسنك ٢٣ سنه تمام؟ وده اول حمل لحضرتك؟ بردو هزيت راسي بايوه، ورحت قايمه من قبل ما تكمل وسبتها ومشيت وهى بتنادي عليا: يامدام، يا استاذه، دى مالها دى؟
وانا ماشيه بكلم نفسي: حامل؟ طب ازاى؟ انا هتجنن. هقول لخالتي ايه؟ صحيح هى سنها صغير وقريب منى وكأننا أصحاب، بس بردو الاسم خالتى. وهقول لجوز خالتى ايه؟ معقوله هيصدقوا انى معرفش انا حملت ازاى؟ دا انا مش مصدقه، ازاى هما هيصدقوا؟ يعنى بعد ما اوونى فى بيتهم بعد رحيل والدى وبعديها والدتى ومابقاش ليا حد غيرهم، افضح خالتى أمام جوزها وأهله؟ انا خلاص مش قادره افكر، حسه ان عقلي هيطير منى.
وانا ماشيه كنت معديه على كورنيش، وقفت وبصيت للمياه وقولت لنفسي: الظاهر ان نهايتى هو الحل للى انا فيه، واموت وتموت معايا فضحتى.
وفضلت باصه للمياه، بس منظر المياه وفكرة النهاية حاجه مرعبه، فوقتنى لنفسي وبينت لى انى انسانه جبانه ماقدرتش ارمى نفسي. ورجعت سألت نفسي: ازاى الحمل ده حصل؟ ازاى وانا ماحدش لمسنى؟ ازاى؟
وفضلت الف فى الشارع زى المجنونه، وخايفه اروح على البيت وخايفه من المواجهه. بس حاجه جوايه قالت لى لازم تواجهى الأمر، وان كان على الجنين نزليه. ولما تعبت من كتر اللف لقتنى أمام البيت، وطلعت على فوق وانا مش عارفه هقولهم على أمر حملى ولا هدارى، ولو هدارى هدارى لحد امتى؟
وفتحت الباب ودخلت، كانت خالتى سلمى قاعده فى الصاله وجوز خالتى نايم. سلمى: خالتى كنت فين ياسالى؟ كل ده انت مش عارفه الساعه كام دلوقتى؟ ازاى تفضلى بره لحد وقت متأخر زى كده؟ مافيش؟
كنت مخنوقه فقولت: اتمشى شويه وماحستش بالوقت.
سلمى: مخنوقه من ايه؟ وبعدين مالك؟ انتى كنتى بتبكي ولا ايه؟
ما اقدرتش امسك دمعتي وجريت. سلمى: فى ايه ياسالى؟ قلقتينى، مالك؟
انا حامل ياسلمى. حامل ازاى؟ معرفش.
سلمى: حامل؟ انتى بتهزرى؟ بهزر ايه؟ ياريتني كنت بهزر ولا حتى بحلم. بكبوس.
انا كنت عند الدكتور دلوقتى واكد لى انى حامل. اقفى جنبي ياسلمى.
سلمى: يا نهار. انا فكرت قبل ما ارجع عشان أرحمك من بس طلعت جبانه وما قدرتش. انا خايفه ياسلمى ومش فاهمه حاجه. ايه بس هو هيحل المصيبه دى ولا هيمنع؟ دا هيزودها. وده حصل ازاى ياست سالى؟ قولى لى عشان اروح ليه يمكن يطلع عنده ضمير ويلم. دى هتصدقينى لو قولتلك معرفش؟
سلمى: انتى عبيطه يابت ولا بتستعبطينى؟ بتدارى على اللى اتسبب فى دى؟ اتكلمى ياسالى، اتكلمى، لازم تقولى مين اللى عمل كده.
والله مابداري ولا زفت. انا فعلا زى مابقولك ما اعرفش ده حصل ازاى. انا كل اللى عوزاه منك دلوقتى انك ماتجبيش سيره خالص عن موضوع حملى ده، وتشوفى لى دكتور يرضى ينزل الحمل ده من غير ما حد يدرى بشيء.
سلمى: وحامل فى الشهر الكام ان شاء الله؟ الدكتور بيقول فى اخر الشهر الثالث. كل ده وانتى مش حاسه ازاى؟ يعنى انا كان هيجى فى بالى ازاى انى حامل؟ انا كنت فاكره ان القولون عندى تعبان، وهى دى حاجه تخطر على بالى؟ دا انا لحد دلوقتى لسه مش مصدقه انى حامل.
سلمى: وانتى فاكره ان بعد ما بقى حملك فى الرابع سهل انك تنزليه؟ دا ممكن يبقى فى خطوره عليكى وتروحى فيها.
خطوره خطوره اهو حتى ارتاح. ارجوكى ياسلمى ساعديني.
سلمى: حاضر حاضر، انا عارفه دكتوره كويسه من الدكاتره الكتير اللى متابعه عندهم عشان احمل، ما انتى عارفه انا بقالى اربع سنين متجوزه وربنا مارزقنيش باطفال. ربنا يرزقك ياسلمى. ماكنش يبقى انتى اللى حامل وكان زمانك طايره من الفرحه بدل المصيبه اللى انا فيها دى.
سلمى: ياريت ياسالى ياريت. وسكتت سلمى شويه وكأنها بتفكر، ورجعت قالت: ايه رايك ياسالى بدل ما تموتى روح تكملى حملك وانا هقول انى حامل بالاتفاق مع جوزى، ووقت الولاده نسافر تولدى فى اى بلد ونرجع ولا حد هيعرف، واخد انا الطفل اكتبه بأسمى واسم جوزى ويتربى فى وسطينه. ايه رايك؟
انتى ايه الكلام اللى بتقوليه ده يا سالى؟ انتى اتجننتى؟ لا الطفل ده لازم ينزل. يجي للدنيا واخليه يتكتب بأسم ام مش امه ولا اب هو ابوه؟ انا كده كده هنزله، بس كل اللى نفسي اعرفه ازاى الحمل ده حصل. بس الاول اخلص من الحمل ده قبل ما بطنى تكبر اكتر من كده ويتفضح الأمر.
سلمى: يابنتى اسمعى كلامى، دى فرصه وجت لحد عندنا. انتى هتخلصى من فضحتك من غير ما تموتى. روح دا ابنك هتموتى ابنك وانا إبان أمام اهل جوزى انى خلفت ويبطلوا يزنوا عليه انه يتجوز عليا، وانا متأكده ان جوزى مش هيمانع لانه بيحبنى وهيسمع كلامى.
بقولك ايه بلاش الكلام الفارغ ده، وكلمى الدكتوره احجزى عندها، خلينى اخلص من المصيبه دى.
سلمى: اكلم مين دلوقتى؟ الوقت متأخر. ادخلى نامى دلوقتى وفكرى فى كلامى. صدقينى لوفكرتى بهدوء هتلاقى ان كلامى اللى بتقولى عليه فارغ هو انسب حل للمصيبه دى.
دخلت غرفتى وانا كلام سلمى خالتى بيرن فى ودانى، وانى ازاى فعلا هيهون عليا اقتل ابنى بأيدى؟ دى بردوا مهما كان روح وأذن ربنا أنها تتخلق، ذنبها ايه تموت قبل ما تخرج للدنيا؟ ما اكمل حمل ويخرج يتربى بينا وأمام عينى ويتكتب بأسمهم وخلاص. وارجع اغير تفكرى: ايه اللى بفكر فيه ده؟ انا اتجننت؟ لا طبعا احسن له مايخرجش للدنيا. اصلا يخرج ليها ليه من حلاوتها وذنبهم ويتكتب باسم ام مش امه ولا اب ابوه؟ لا طبعا لا.
