بنتي إيما رحلت في حادث طريق لما كان عندها 16 سنة.. كنت أنا وباباها عاملين لها صندوق ائتمان عشان تعليمها.. احنا الاتنين كنا بنحط فلوس في الصندوق من وقت ما كان عندها 3 سنين.. لما رحلت الصندوق كان فيه حوالي 43 ألف دولار.. أنا وطليقي كنا متفقين إننا هنفكر نعمل ايه بالفلوس دي بعدين.. بس بصراحة احنا الاتنين كنا مضطربين أكتر من إننا نفكر في فلوس.. من سنتين اتجوزت راجل اسمه “كيفن” عنده بنت عندها 17 سنة اسمها “جيس” من جوازته الأولى.. متفهمونيش غلط.. جيس طفلة لطيفة.. بس مش بنتي..
كيفن كان عارف كل حاجة بخصوص صندوق الائتمان بتاع تعليم إيما من بداية علاقتنا.. ف ليلة كنا بنتكلم عن ولادنا وجوازتنا السابقة وقولت له.. الشهر اللي فات جيس اتقبلت في كلية فنون راقية في كاليفورنيا.. المصاريف غالية جدًا.. تقريبًا 60 ألف دولار ف السنة.. كيفن كان متوتر عشان مش عارف هيدفع ازاي مصاريفها.. وده لأن طليقته مش بتشارك ف أي حاجة تخص البنت.. هو بيشتغل في محل أجهزة وبيعمل دخل كويس بس مش الفلوس اللي تكفي مصاريف كلية جيس اللي دخلتها..
وف ليلة كنا قاعدين ف المطبخ بنراجع كل المؤسسات اللي بتدي مساعدات مالية وقروض تعليمية.. كيفن كان ماسك الآلة الحاسبة بتاعته.. ولابس نضارته.. وفي ورق ف كل حته على ترابيزة المطبخ.. جيس كانت في أوضتها على الأغلب برده متوترة بسبب تفكيرها هل هتقدر تدخل الكلية الي بتحلم بيها من وهي في إعدادي والا لا.. كيفن فجأة بص لي وقال “انتي عارفه.. انا كنت بفكر ف صندوق ائتمان إيما”
حسيت معدتي قلبت مرة واحدة.. لأني كنت عارفه الكلام ده رايح فين.. كيفن كمل كلامة وقال “قصدي… إيما يعني مش هتستفيد بالفلوس دي.. وجيس محتاجة الفلوس دي جدًا لكليتها.. يعني الفلوس دي ممكن تحل كل مشاكلنا” فضلت باصه له حوالي 10 ثواني.. ماكنتش مصدقة بجاحة الراجل ده وهو بيطلب مني أديله فلوس كلية بنتي الراحلة لبنته.. ده كان أبعد من أي حاجة تخيلتها ف تفكيري.. قولت له “لا طبعًا..”
ساعتها حاول يدافع عن فكرته ويشرح لي ازاي المفروض إننا أسرة دلوقتي ولو إيما كانت موجوده كانت هتبقى عايزه تساعد جيس.. كلامه ازعجني بجد لأن ازاي يتجرأ يتكلم بالنيابة عن بنتي!! هو أصلًا عمره ما قابلها.. إيما رحلت قبل ما أعرفه بشهرين.. وهو معندوش أدنى فكرة ممكن إيما تكون عايزه ايه.. وبصراحة مش مهم.. لأن الفلوس دي بتمثل 14 سنة مني أنا وطليقي بنضحي بحاجات عشان بنتنا يكون عندها فرص أفضل ف الحياة..
كيفن فضل يفتح الموضوع خلال الأيام اللي بعد كده.. كان بيفتح الموضوع على العشا.. أو لو بنتفرج على التلفزيون.. دايمًا بيتكلم بنبره وكأني مش منطقية.. لدرجة إنه خلى جيس تتكلم معايا بنفسها ف الموضوع.. والتصرف ده خلاني مش طايقاه لأنه دلوقتي بيخلي طفله تشترك ف التلاعب بيا. ف أخدت القرار.. اتصلت بشركة صندوق الائتمان بتاع الجامعة.. وطلبت منهم شيك بالمبلغ بالكامل.. وبعدها رحت على مستشفى الأطفال اللي إيما قضت أخر أيامها فيها واتبرعت بكل دولار لقسم الطوارئ.. وطلبت إن الفلوس دي تتصرف بالتحديد على الأسر إلي متقدرش تتحمل نفقات علاج ولادهم.
لما رجعت البيت كيفن كان في الجراج بيشتغل على الدراجة بتاعته.. دخلت وقولت له اللي عملته.. وشه اتغير من الحيرة للغضب للون الأحمر.. بدأ يزعق ويصرخ ويقولي أد ايه أنا حالًا خربت مستقبل بنته واد ايه أنا انانيه.. وقالي “انتي بتعاقبي جيس على حاجة مش ذنبها”.. قولت له “انت صح هو مش غلط جيس.. بس برده مش مسؤوليتي إني ادفع مصاريف كليتها بفلوس بنتي الراحلة” وشرحت له إن الفلوس راحت ف مكان فعلًا هيبقى لها أثر كبير وهيخلد ذكرى بنتي.. بدل ما يحل مشاكله المالية بفلوس بنتي الراحلة..
كيفن دخل البيت وهو متعصب واتصل باخته يشتكي لها مني.. كنت سامعه صوته ف أوضة المعيشة وهو بيتكلم عن أد ايه انا بارده ومعنديش قلب.. اخته على الأغلب وافقته على كلامه لأنها اتصلت بيا ف نفس اليوم عشان تقولي “كان المفروض تفكري إن عيلة كيفن هي عيلتك دلوقتي ” تاني يوم الصبح كيفن ماكنش عايز يتكلم معايا.. عمل قهوة لنفسه.. ومعملش حسابي.. وده تصرف عيالي بصراحة بس مش مهم.. جيس نزلت من فوق عشان تفطر وكان شكلها كأنها بتعيط.. كيفن أكيد قال لها اللي حصل.. جيس موجهتليش والا كلمة.. يا دوب أخدت بسكوته ومشيت على مدرستها..
بكل صراحة مش مهتمه اصالح حد فيهم والا عندي استعداد ادي فلوس طليقي لبنت جوزي اللي كان المفروض يفكر هو في مصلحتها من زمان.. ومش مشكلتي دلوقتي إني أحل له هو وطليقته مشكلة بنتهم.. حتى لو وصل الموضوع إني أسيبه.. ف خلاص مش هتفرق.. #احاديث_تيكتوكيه #LamiaaShaheen
سجل الذهب في المعاملات الفورية، اليوم السبت قيمة 3390 دولارا للأونصة. وقد تراجعت أسعار الذهب خلال الأسبوع المنقضي، مسجلة أول خسارة أسبوعية لها منذ نحو الشهر، في هبوط مفاجئ رغم تصاعد التوترات الجيوسياسية في الشرق الأوسط، والتي تعد عادة عاملا داعما للطلب على المعدن الأصفر كملاذ آمن في أوقات الأزمات.
وتراجع الذهب إلى ما دون مستوى 3400 دولار للأوقية، ليستمر بعد ذلك في مسار هبوطي تدريجي دون تراجعات حادة، حتى لامس مستوى قرب 3384 دولارا، وفقا لبيانات منصة «ماركت ووتش»، وتأتي هذه الخسارة الأسبوعية رغم أجواء الترقب والقلق المسيطرة على الأسواق العالمية، وسط احتمالات متزايدة لتوسع دائرة الحرب في الشرق الأوسط، وهو ما كان من المتوقع أن يدفع المستثمرين إلى زيادة مراكزهم في الذهب.
