
الشيخ وقف على باب الشقه وقعد يهمس ويتمتم بحجات كتيره وقال: فيه واحد هنا ساكن معاكم، أنا حاسس بيه، لكن متخفش هخليه يطلع أو هحرقه. قعدنا فى الصاله وسبت الشيخ يقرأ فى الشقه فى كل مكان، فى الحمام وفى أوضه مراتى، وأنا قاعد مرعوب وعنيه وسط رأسى، شعور غريب كنت حاسس بيه، شعور بالضياع والفراغ. الشيخ قرأ قرآن على ميه ورشها فى كل أركان الشقه، وقعد يعزم ويهمس كل شويه: اطلع بستدعيك، استجب. بس أنا مشفتش أى حاجه حصلت. بعد أكتر من ساعه المصباح اللي فوق دماغنا فى الصاله قعد يرتعش زى مبارح بالضبط، جسمى رجع يرتجف، والشيخ قال: أنا حاسس بحضوره معانا.
بس لاحظت إن نبرته مهزوزه مش زى ما دخلنا. شردت فى بنتى ومراتى وصوت الشيخ وتعزيمه، واصلنى: اخرج يا ملعون. فجأه اختفى كل شيء، صوت الشيخ اللي بسمعه اختفى، حسيت نفسى منفى فى بيت مهجور فى أقصى ناحيه من العالم. اسماعيل موسى.
المصباح بيرعش، باب الحمام بينفتح، والشيخ فجأه لقيته بيقلى: يلا بينا، أنا خلصت. وهو بيقولى كده وبيشدنى من ايدى بقوه. شفته فى الحمام بيبتسم، قولته: لسه هنا أنا شايفه هناك، وشاورت على الحمام. الشيخ قالى: دى تهيأؤات، خلينا نمشى. كان مستعجل جدًا للخروج من الشقه. فى الشارع دفعت للشيخ حسابه، وقبل ما أسأله لو شفت حاجه تانى اتصل بيك، كان اختفى بسرعه جوه تاكسى وعلى وشه نظره تايهه. مكنتش مصدق الشيخ دة، وكان فيه احساس غريب جوايا إن فيه حاجه أكبر منتظرانى.
هتحصل. دورت تانى على شيخ غيره، مكنتش مستعد إن بنتى ومراتى يمرور بالتجربه دى تانى. ليه صديق قديم متدين وملتزم كلمته وأنا حاسس بالضياع. صديقى قال: مش هقدر أساعدك، لكن أعرف واحد ممكن يساعدك، لكن فيه مشكله، الراجل اللي أعرفه مش بيروح أى مكان وبيرفض طلبات كتير جدًا، تقدر تقول إنه متوقف عن الشغل، لكن هو ما شاء الله راجل محترم ونزيه وعالم.
اخدت رقم الراجل ده وأنا راجع على المستشفى، كلمته أكتر من مره مردش على الاتصال. دخلت المستشفى وأنا مش عارف أعمل إيه ولا هقول لمراتى إيه، ومن باب الحرص كلمة سمسار يشوفلى شقه إيجار ضرورى ننقل فيها. سبحان الله، قبل ما أفتح غرفة راما اللي محجوزه فيها، الراجل ده أعاد الاتصال بيا. قلتله بسرعه على أسمى وإنى محتاج مساعدته. الراجل اعتذرلى بأدب إنه بطل يشتغل فى الحجات دى. قعدت أتوسله وأستجديه من غير فايده، ورفض كمان يدينى اسم شيخ غيره. اتصل بيه كنت محبط لدرجه كبيره جدًا خلتنى أقول: طيب اسمع حكايتى الأول.
قال: مش عايز أسمع، من فضلك. فى آخر محاوله قلتله: دا واخد شبهى، نسخه منى، ودخل غرفة مراتى. الراجل سكت شويه مده طويله، لحد ما افتكرت الخط قطع، بعدها صوته رجع: حط التليفون على ودنك، خليه يلمس جسمك. قلتله: حاضر. قول إلى حصل. قلت نص الحكايه بس، كلام راما ومراتى، لحد ما دخلت الغرفه ومراتى قالتلى إنى كنت لسه عندها. رجع سكت تانى، وسمعت صوت أوراق بتتفتش عنده، تنهيدة طويله طلعت منه بعد الصمت. قال:
دا مش واحد فقط، ومش أكتر من واحد، ومش هيسيب مراتك وبنتها. رقم ١٧. يا شيخ، أنا مش عايز أفقد مراتى ولا بنتى، ارجوك ساعدنى، لو كان الحل أسيب الشقه أنا خلاص هستأجر شقه غيرها!! مش هيسبهم، هيكون معاكم، هيعتبر دا تحدى ويزيد فى شره أكتر. النوع دا من أخطر انواع الكيانات الشيطانية، خبيث ومؤذى. أنا كنت توقفت عن التعامل فى الحالات دى، لكن هساعدك. أنا موجود فى المستشفى يا شيخ، حدد ميعاد أقابلك فيه ونروح الشقه!
مش هينفع وحدك يا أستاذ بدر، لازم زوجتك وبنتك يكونو موجودين، وجودهم أهم من وجودك. هقلك على شوية حجات تعملها، ولما صحة بنتك تتحسن نروح الشقه إن شاء الله. بعد يومين الشيخ كلمنى وقال: حان الوقت يا أستاذ بدر، لازم نروح الشقه النهارده، أنا كمان شويه هوصل المستشفى. ضغطت على حنان وبنتى وخرجنا من المستشفى ننتظر الشيخ لحد ما يوصل. مفيش دقيقه والشيخ وصل فى سيارة أجره، سلم علينا وركبنا معاه. قلت للسائق على عنوان الشقه ووصلنا هناك الساعه ١٢ الضهر.
أول ما دخلنا الشقه قلبى انقبض، كل ركن فيها كان بالنسبه ليا لعنه كبيرة. بنتى ومراتى كانو قاعدين جنب بعض، راما قاعده فى حضن والدتها، وأنا قاعد قصاد الشيخ. الشيخ صمت شويه، قعد ساكت لحد ما سألته: مش هنبدأ يا شيخ؟ الشيخ ابتسم وقال: أنا بدأت من زمان، لكن انت مش ملاحظ.
قلت فى نفسى: أكيد الشيخ بيعزم ويقرأ فى سره. بعدها الشيخ وقف وحط ايده على دماغ مراتى فوق طرحة الحجاب، عنيه ثابته وبقه عمال يتمتم. مراتى مذهوله قاعده فى صمت. بعد شويه ملامح وشها بدأت تتغير ما بين حزن وكآبه وبكاء، لكنها متكلمتش. انتقل الشيخ لبنتى وعمل معاها نفس اللي عمله مع مراتى. بعدها طلب منى أقعد جنبهم علشان الجلسه تكمل. تليفونى رن وسط الجلسه، روحت أخرجه، الشيخ منعنى وقال: لو رديت الجلسه كلها هتبوظ، مش لازم أى حاجه تقاطع الجلسه. اعتذرت للشيخ وسبت التليفون فى جيبى، واصل الشيخ الجلسه وتليفونى عمال يرن فى جيبى بلا توقف. بعد نص ساعه الشيخ خلص. حسيت بسكون غريب فى الشقه، مراتى ملامحها رجعت عادى، ولأول مره أشوفها بتبتسم، مجرد رؤية ابتسامتها ردتلى روحى، حتى راما قامت تلعب. شكرت الشيخ جدًا بعد ما أكدلى إن الشقه تطهرت وإن الكيان الشرير رحل من الشقه.

