أفراد الأمن سحبوا طارق، وهو بيقاوم وبيصرخ ويبص لسلمى بدموع تماسيح: “يا سلمى سامحيني! أبوس إيدك اتنازلي! أنا جوزك حبيبك.. أنا عملت كدا عشان نعيش مرتاحين ونعوض الفقر اللي شفناه!” سلمى وقفت قدامه، عينيها مليانة دموع بس مرفوعة الراس، وقالتله كلمة قطعت آخر خيط بينهم: “جوزي رحل من ثلاث سنين في الحادث.. اللي قدامي ده مجرد منحرف باع نفسه ولحمه عشان الفلوس. أنا شقيت وتعبت بالحلال، وإنت اخترت الحرام وتدمر بيوت الناس.. والقانون مابيرحمش المحتالين، والله مابيسيبش حق المظلوم بياخده في الدنيا قبل الآخرة.”
طارق اتسحب بره الجناح وسط فضيحة في المستشفى كلها، وكل الدكاترة والممرضين بيتفرجوا عليه. شيرين ووالدها بصوا لسلمى بندم واعتذار. الدكتور كمال وطى راسه وقال بكسرة: “أنا بعتذرلك يا بنتي نيابة عن بنتي وعن كل لحظة تعبتي فيها هنا.. إنتي شريفة وأصيلة، وإنتي مكانك مش ممرضة عادية، إنتي هتمسكي إدارة التمريض كلها، وحقك هيرجعلك تالت ومتلت.” سلمى مسحت دموعها وابتسمت ابتسامة خفيفة، خدت نفس عميق لأول مرة من تلات سنين حست فيه إن الهوا نضيف:
“شكراً يا دكتور، بس أنا قدمت استقالتي للجهات المختصة مع الورق ده. أنا هبدأ حياتي من جديد، بعيد عن أي مكان بيفكرني بأكبر كدبة عشتها.” لفت سلمى وخرجت من الباب، سابت وراها ماضي كداب، ورفعت وشها للنور، مستعدة تعيش لنفسها وبس، وهي متأكدة إن العوض الجميل جاي.
#الكاتبة_نور_محمد
#النهاية
لو عجبتك القصه ادعمها بلايك وكومنت للاستمرار مع تحياتي الكاتبه نور محمد
