في يوم، ليلى كانت خارجة من الجنينة، لقت فارس واقف، شكله اتغير، مابقاش الغول المغرور، بقى إنسان منكسر. فارس بدأ يكلمها بإيده بلغة الإشارة: أنا مش طالب منك ترجعيلي دلوقت.. أنا بس عايزك تعرفي إن لساني اللي كان بيغلط، أنا وقفته وبقيت بتكلم بإيدي زيك.. ليلى، أنا بحبك بجد، والوجع اللي سبتهولك، مستعد أقضي عمري كله أداويه.
ليلى بصت له بذهول.. فارس الملياردير بيتعلم لغة إشارة عشانها؟
مرت شهور تانية، وفارس مكلّش ولا ملّ.. بنى لها مستشفى للأطفال ذوي الاحتياجات الخاصة وسماه باسمها، وخلاه وقف لله.
في ليلة ذكرى رحيل الجد، فارس راح لها البيت، وقدم لها مفتاح القصر وقال لها: القصر ده كان سجنك.. دلوقت أنا خليته باسمك، وأنا اللي بطلب منك تأويني عندك.. لو لسه فيه مكان في قلبك ليا.
ليلى بصت في عينيه، شفت ندم حقيقي، شفت فارس تاني خالص غير اللي جرحها حركت إيدها وقالت له ببطء: الطفل اللي راح.. كان هيبقى شبهك.
فارس بكى وحضن إيدها: هعوضك يا ليلى.. والله هعوضك.
ورجعت ليلى مع فارس، بس المرة دي كملكة القصر والقلب. فارس بقى هو صوتها اللي بتسمع بيه الدنيا، وهي بقت روحه اللي مبيقدرش يتنفس من غيرها. وعاشوا في سعادة وجبر خاطر، وكل ما يشوفوا طفلهم الجديد اللي ربنا رزقهم بيه بعد سنتين، بيفتكروا إن الصبر آخره دايماً جبر عظيم.
تمت بحمد الله
بقلم: ظل القمر
