أنتِ صامتة ومحدش هيعبرك غيري! الكلمة دي كانت كلمة قاسية في قلب ليلى ليلة فرحها من ابن عمها فارس.. الحكاية بدأت بوجع وانتهت بمأساة فوق الخيال! إزاي ليلى هتاخد حقها من فارس بعد ما جعل امرأة أخرى تهينها، وإيه هو التمن الغالي اللي فارس هيدفعه عشان ليلى تبصله تاني؟ القصة دي وجعها ملوش آخر!
أنوار قصر المنشاوي كانت واصلة للسما، وأفخم العربيات واقفة قدام الباب لواحد من أكبر أفراح الموسم.. جواز فارس المنشاوي الغول اللي بيدير شركات العيلة، على بنت عمه ليلى.
ليلى كانت زي الملاك، فستانها مرصع بالألماص، وعيونها الواسعة كانت بتحكي قصص وحكايات، بس لسانها كان عاجز عن النطق. كانت بتبص لفارس بكسوف وأمل، مكنتش تعرف إن الجوازة دي كانت صفقة عشان الميراث وبس.
الجد الكبير منصور المنشاوي كان هو اللي رسم كل حاجة: يا تتجوز ليلى وتصون عرض عمك اللي رحل، يا تنسى إنك حفيد المنشاوي ومالكش مكان في الإمبراطورية دي! وفارس وافق، بس بقلب مليان غل وكره.
خلص الفرح، ودخلوا الجناح الملكي. ليلى كانت قاعدة على طرف السرير، قلبها بيدق بخوف وفرحة طفولية. فارس دخل، وشه كان زي الخشب، قلع جاكيت البدلة ورماه بإهمال وقرب منها، وبص لها بنظرة كلها قرف:
ـ ارتاحي يا ليلى.. مش محتاج أقولك إن الجوازة دي تمت بليّ الدراع. جدي هو اللي أجبرني عليكي عشان صامتة ومحدش هيعبرك ولا هيرضى بيكي غيري. أنا بحب سهام، الست اللي بتفهمني وبترد عليا، مش واحدة تمثال زيّك. عيشي هنا كأنك حتة ديكور، بس إياكي تفتكري إنك زوجة بجد.. أنتي هنا عشان الورق وبس!
ليلى كانت بتسمع والكلام بيقطع في قلبها زي السكاكين. حاولت تحرك إيدها عشان تقوله أنا بحبك من صغري، بس هو زق إيدها بقسوة وخرج من الجناح وسابها غرقانة في دموعها وصمتها اللي بقى هو السجن بتاعها.
الجزء الثاني: رحيلُ الحامي.. واحتلالُ العشيقة
مرت شهور تقيلة، وليلى عايشة في القصر زي الخيالات. فارس مبيشوفهاش كأنها مش موجودة، وسهام العشيقة بقت هي اللي بتتحكم في كل حياة فارس. الحاجة الوحيدة اللي كانت مخبية ليلى من قسوة فارس هو وجود الجد منصور.
وفجأة.. الخبر الصاعقة نزل على الكل، رحل الجد منصور، ورحل معاه الأمان الوحيد لليلى. بعد العزا، فارس حس إنه ملك الدنيا.
دخل القصر وهو ماسك إيد سهام قدام الكل، وشاور لليلى اللي كانت واقفة بتبكي بصمت:
ـ من النهاردة، سهام هتعيش هنا.. القصر ده محتاج روح، مش أشخاص صامتين مابتنطقوش.
سهام قربت من ليلى بابتسامة خبيثة، وشبطت في دراع فارس: يا حبيبي يا فارس.. القصر ده كئيب أوي بسبب الصامتة دي. هي حتى مش بتعرف تشتكي ولا تدافع عن نفسها.. ماتخليها هي اللي تخدمنامن أهو يبقى ليها لازمة بدل ما هي قاعدة عالة كده!
فارس ضحك ببرود وبص لليلى: فكرة حلوة.. من النهاردة أنتي المسؤولة عن طلبات سهام يا ليلى، وقسماً بالله لو شوفتك زعلتيها، لهرميكي برا القصر ده بالهدوم اللي عليكي.
ليلى كانت واقفة بتموت من القهر، سهام كانت بتتعمد تجرحها، تدلق عليها القهوة، تشدها من شعرها، وتغلط فيها بأبشع الألفاظ، وفارس واقف يتفرج ويشجعها. ليلى كانت خلاص هتنهار، لحد ما في يوم حست بتعب وإرهاق ميتوصفش.. راحت للدكتورة من وراهم، وكانت المفاجأة اللي زلزلت كيانها.. ليلى حامل!
رجعت القصر وهي بتترعش، كانت عايزة تقول لفارس، كانت فاكرة إن ابنه هيغير قلبه. لقت فارس وسهام في الصالون بيضحكوا. ليلى كتبت في ورقة بإيد بتترعش: أنا عايزة الطلاق.. كفاية لحد هنا.
فارس مسك الورقة، وعينه طق منها شرار، وقرب منها ومسكها بغل:
ـ تطلقي وتروحي فين؟ أنتي فاكرة إنك هتهربي بالسهولة دي؟ أنتي هنا رهينة عشان جدي كاتب في الوصية إن الميراث مش هيتوزع طول ما أنتي على ذمتي.. أنتي هنا خدامة ليا ولـ سهام لحد ما أقرر أنا أعمل فيكي إيه.. غوري من وشي!
رمى ليلى على الأرض بقسوة، وسابها وخرج وهو بيضحك مع سهام. ليلى بصت للأرض، وحست إن روحها بتطلع.. الصرخة اللي مش قادرة تطلع من لسانها، قررت تطلعها بطريقة تانية تخلي فارس يندم العمر كله!
(صلوا على حبيبنا وشفيعنا محمد ﷺ)
الجزء الثالث: حين يختنقُ الصمت بالدموع
فارس خرج مع سهام وهو بيضحك، ركب عربيته وساب ليلى مرمية على أرض الصالون، دموعها نازلة من غير صوت، بس وجعها كان مسمع في القصر كله.
ليلى قامت ببطء، ساندة على الحيطة، حاطة إيدها على بطنها وكأنها بتعتذر للجنين اللي لسه مشافش النور عن الآب اللي اختارته له الدنيا.
دخلت أوضتها، قفلت الباب، وطلعت علبة من الدرج.. كانت شايلة فيها أداة قديمة بتاع خياطة كانت جدتها سابتهولها. بصت للمراية، شافت واحدة مكسورة، ذليلة، والكل بيستقوى عليها عشان صامتة.
كتبت آخر ورقة لفارس: كنت فاكرة إنك هتكون لساني اللي بتكلم بيه، طلعت الألم اللي وجعني.. ابني ملوش مكان في عالم قاسي زي عالمك، وأنا كمان ماليش مكان.
ليلى أخدت قرارها.. ودخلت في حالة انهيار شديد، وغابت عن الوعي بعد ألم كبير، واستسلمت للضلمة.
في الوقت ده، فارس كان في المطعم مع سهام، بس قلبه كان مقبوض.. نغزة غريبة في صدره مكنتش مخلية طعم للأكل في بقه.
ـ مالك يا فارس؟ مش بتاكل ليه؟ سهام سألت بدلع وهي بتظبط روجها.
ـ مش عارف يا سهام.. حاسس بخنقة، عايز أرجع القصر فوراً. فارس رد بضيق.
رجع فارس، دخل الجناح، نادى على ليلى ماردتش. دخل الأوضة لقى النور مطفي.. ولما ولع النور، الدنيا لفت بيه.
ليلى مرمية في وسط أثر كبير، وشها شاحب زي الموت، والورقة جنب إيدها.
فارس صرخ صرخة هزت حيطان القصر، شالها وهو بيترعش: ليلى!! فوقي يا ليلى!! أنا آسف.. والله العظيم آسف!!
طار بيها للمستشفى، الدكاترة أخدوها منه وهو واقف برا بيخبط راسه في الحيطة. سليم صاحبه جه، لقى فارس منهار تماماً.
بعد ساعتين، الدكتور خرج وشه حزين: إحنا وقفنا الأثر وأنقذنا حياتها بصعوبة.. بس للأسف، فقدت الحمل.
فارس جمد مكانه: حمل؟ ليلى كانت حامل؟
الدكتور بص له بعتاب: أيوة يا فارس بيه.. كانت في الشهر التاني. والسبب في اللي حصل ده ضغط عصبي ونفسي شديد أدى لحالة خطيرة.
فارس وقع على الكرسي، حس إن الدنيا اسودت في وشه.. تسبب في فقدان ابنه بإيده، وكسر الست الوحيدة اللي كانت بتحبه بصمت.
(صلوا على حبيبنا وشفيعنا محمد ﷺ)
الجزء الرابع والأخير: طريقُ التكفير والندم
ليلى فاقت بعد يومين، فتحت عينها لقت فارس قاعد تحت رجلها على الأرض، لحيته طولت، وعينه غرقانة دموع. أول ما شافها فتحت عينها، مسك إيدها وباسها بانهيار:
ـ ليلى.. أنا حقير، أنا كلب.. سامحيني.. ابني راح بسببي، سامحيني يا ليلى!
ليلى بصت له بنظرة ميتة.. مفيش عتاب، مفيش دموع، مفيش حركة. سحبت إيدها منه بمنتهى البرود، وأدته ضهرها. النظرة دي كانت أصعب على فارس من مية جلدة.
خرج فارس من الأوضة وهو محطم، لقى سهام داخلة المستشفى ببرود: يا حبيبي يا فارس.. معلش، هي تلاقيها عملت كده عشان تشد انتباهك بس، ارمي لها ورقتها وخلصنا بقى، الثروة دلوقت بقت بتاعتك لوحدك بعد رحيل جدك.
فارس بص لسهام وكأنه بيشوفها لأول مرة.. شاف فيها القبح والجشع. في اللحظة دي، تليفونه رن، كان مكتب تحريات هو كان مكلفه يراقب سهام من فترة.
ـ فارس بيه.. معانا تسجيلات لسهام هانم وهي بتتفق مع واحد على سحب مبالغ من حسابات شركتك، وبتقوله إنها هتخلص منك أول ما تتجوزك وتآمن ورثها.
فارس حس بغليان في عروقه.. مسك سهام من دراعها وأخذها قدام الناس في المستشفى وعاتبها بحدة:
ـ أنتي أسوأ اختيار شوفته في حياتي! أنا اللي كنت غبي وسلمت ودني لواحدة زيك تخليني أظلم بنت أصلي.. برا حياتي يا سهام، ولو شوفت وشك في أي مكان يخصني، هحبسك بباقي التسجيلات اللي معايا!
أبعد سهام عن المستشفى ورجع لليلى.. بس ليلى كانت خرجت وراحت بيت أهلها، بيت عم فارس المتوفى.
سنة من المحاولات.. واسترداد القلب
مرت سنة كاملة.. فارس ساب إدارة الشركات لمديرين، وتفرغ لحاجة واحدة بس: استرداد ليلى. ليلى كانت رافضة تقابله، قافلة بابها، وبدأت تتعالج نفسياً وتتعلم لغة إشارة متطورة عشان تتواصل مع العالم.
فارس بدأ يروح يقعد قدام باب بيتها كل يوم.. اتعلم لغة الإشارة من وراها عشان يقدر يكلمها. كان بيبعت لها كل يوم وردة بيضاء ورسالة اعتذار.
