كلارا لازم تختفي من الشركة قبل يوم الخميس لأن لو عرفت مين صاحب الحساب الحقيقي كل خطتنا هتنهار
وفي اللحظة دي بالذات باب مكتبي اتفتح من غير خبط
رفعت عيني ولقيت ياسين واقف قدامي وبيبص للموبايل اللي في إيدي
ابتسم ابتسامة باردة وقال
إنتِ سمعتي إيه يا كلارا
وساعتها عرفت إن المواجهة اللي كنت بحضرلها بدأت قبل ما أكون مستعدة ليها
ياسين كان واقف قدامي وبيبص للموبايل اللي في إيدي وابتسامته اختفت أول ما لاحظ إني مش خايفة زي كل مرة
قرب من المكتب ومد إيده وقال
هاتِي الموبايل يا كلارا
بصيتله بثبات وقلت
ليه خايف أكون سمعت حاجة المفروض مراتك متسمعهاش
اتغيرت ملامحه وقال بعصبية
إنتِ بتتجسسي عليا في شركتي
ضحكت بمرارة وقلتله
شركتك إنت لوحدك يا ياسين ولا الشركة اللي أنا بنيتها معاك من الصفر وسهرت عشانها سنين
ضرب بإيده على المكتب وقال
أنا مش فاضي للعب العيال ده عندي اجتماع مهم ولازم تمضي على التقرير اللي بعتتهولك
مد إيده بملف وحطه قدامي
فتحت الملف ولقيته تقرير بالموافقة على تحويلات مالية جديدة وكان في آخر صفحة مكان مخصص لإمضتي
رفعت عيني وبصيتله
إنت عايزني أمضي على الورق ده ليه بالذات
رد بسرعة
إجراءات روتينية يا حبيبتي متكبريش الموضوع
كانت أول مرة من سبع سنين أسمع كلمة حبيبتي منه وأحس إنها تهديد مش حب
قفلت الملف وقلتله
هراجعه مع المحامي بتاعي الأول
وشه اتقلب في ثانية
محامي إيه يا كلارا إنتِ بتشكّي فيا
قلتله وأنا ببص في عينيه
أنا مبقتش بشك يا ياسين أنا بدأت أتأكد
فضل باصصلي شوية وبعدها خطف الملف من قدامي وخرج من المكتب وهو بيقفل الباب بعنف
أول ما اختفى اتصلت بإيناس وحكيتلها اللي حصل
قالتلي
لازم التسجيل يوصل لخبير فني عشان نتأكد من صحته ولازم نحافظ على النسخة الأصلية ومتحاوليش تواجهيه لوحدك تاني
لكن قبل ما أقدر أرد عليها وصلني إشعار على الموبايل إن حسابي على نظام الشركة اتقفل وإن صلاحياتي اتسحبت بالكامل
حاولت أدخل تاني لكن ظهرتلي رسالة إن الإدارة العليا أوقفت حسابي مؤقتً
بعدها بثواني دخلت سمر مكتبي وهي بتنهج
يا مدام كلارا ياسين جمع الموظفين في قاعة الاجتماعات وبيقول إنك بتعاني من أزمة نفسية وإنك بتتهميه ظلم وعايز يسحب منك الإدارة
حسيت إن قلبي هيخرج من مكانه
هو مش بس بيحاول يسرق الفلوس ده كمان بيجهز الناس عشان يصدقوا أي كذبة يقولها عني
قمت من مكاني وخدت شنطتي وقلت لسمر
تعالي معايا
دخلنا قاعة الاجتماعات لقينا ياسين واقف قدام الموظفين ونادين قاعدة في أول صف والشنطة الخضرا جنبها
أول ما شافني قال بصوت عالي
كويس إنك جيتي يا كلارا كنت لسه بشرح للناس إنك بقيتي بتتصرفي بطريقة غير طبيعية وإن اتهاماتك ليا ملهاش أي أساس
بصيت للموظفين واحد واحد وبعدها بصيتله
إنت متأكد إنك عايز تتكلم عن الاتهامات قدام الكل
رد بثقة
طبعًا أنا معنديش حاجة أخبيها
طلعت نسخة من تقرير التحويلات وحطيتها على الترابيزة
طيب تقدر تشرح للناس ليه الشركة بتحول ملايين الجنيهات لشركة مش موجودة أصلًا وليه فيه إمضتي على موافقات أنا عمري ما شفتها
القاعة كلها اتقلبت همهمة
نادين قامت بسرعة وقالت
دي أكيد أوراق مزورة مدام كلارا بتحاول تنتقم مننا
بصيتلها وقلت
غريبة إنك عرفتي إنها مزورة قبل ما حد يفحصها
سكتت فجأة وبصت لياسين
ولأول مرة شفت الخوف الحقيقي في عينيها
ياسين حاول يستعيد هدوءه وقال
الاجتماع انتهى وكلارا لازم تخرج من القاعة فورًا
لكن قبل ما الأمن يتحرك الباب اتفتح ودخلت إيناس ومعاها راجل كبير في السن كان ماسك حقيبة جلدية
قالت بصوت واضح
محدش هيخرج قبل ما يسمع اللي الراجل ده جاي يقوله
ياسين شحب وشه أول ما شافه
الراجل قرب من الترابيزة وفتح حقيبته وطلع مجموعة مستندات قديمة
وبعدين بص لياسين وقال
أنا محاسب الشركة من أول يوم اتأسست فيه وعندي دليل يثبت إن التحويلات دي مش أول مرة تحصل وإنك استخدمت اسم شخص تاني عشان تخفي صاحب الحساب الحقيقي
ياسين صرخ فيه
إنت اتجننت يا عم مجدي إنت عارف إنت بتقول إيه
مجدي مردش عليه لكنه طلع ورقة وحطها قدامي
وقال
يا مدام كلارا قبل ما تتهمي جوزك لوحده لازم تعرفي إن فيه حد من عيلتك كان بيساعده
