أجريت عملية جراحية لاستعادة بصري بعد عشرين عامًا من العمى..مشيرة محمد

قلبي وقف للحظة
إنت عندك أخ توأم
قال
كان عندي
محمود مات من سنين طويلة
وسكت شوية قبل ما يكمل
لكن فيه حاجة تانية لازم تعرفيها
محمود هو اللي كان موجود في الحديقة يوم الحادثة
مش أنا
بصيتله بعدم تصديق
إنت بتقول إن أخوك هو اللي زقني
قال
أنا معرفش هو زقك ليه بالضبط
كل اللي عرفته بعد سنين إن محمود كان موجود مع كريم يومها
والاتنين اتخانقوا قبل ما إنتي تقعي
محمود حاول يمنع كريم من إنه يأذيكي لكن حصل اللي حصل
بعدها محمود عاش عمره كله حاسس بالذنب
وكان بيحاول يساعدك من بعيد من غير ما تعرفي
قلتله
يساعدني إزاي
أحمد سحب كرسي وقعد قدامي
وقال
لما كبرت ودخلت كلية الطب بدأت أبحث عن حالتك القديمة
كنت عايز أفهم إذا كان فيه أمل ترجعي تشوفي
لكن كل مرة كنت بوصل لطريق مسدود
وبعد وفاة محمود لقيت في أوراقه جواب مكتوب ليكي
كان محتفظ بيه من يوم الحادثة
لكنه عمره ما قدر يبعته
سألته وأنا حاسة إن رأسي هتنفجر من كثرة المعلومات
والجواب فين
قام أحمد وفتح درج صغير في الكومودينو وطلع ظرف قديم
مدهولي وقال
هنا
فتحته بإيدي المرتعشة وبدأت أقرأ
كان مكتوب فيه
أنا آسف يا مريم
يمكن إنتي متعرفيش اسمي ويمكن عمرك ما تشوفيني
لكن أنا كنت موجود يوم ما حياتك اتغيرت
ومش هقدر أسامح نفسي إني مكنتش قادر أمنع اللي حصل
أنا حاولت أساعدك بعد الحادثة لكن مكنتش عارف أواجهك
لو جه يوم ورجعلك فيه نظرك أتمنى تكوني عايشة حياة سعيدة
وأتمنى تعرفي إنك مكنتيش تستاهلي اللي حصل ليكي
فضلت أبكي وأنا بقرأ الكلام
مش عشان سامحت محمود
ولا عشان فهمت كل حاجة
لكن عشان عرفت إن فيه ناس عاشت سنين وهي شايلة سر كبير ومحدش فيهم كان عنده الشجاعة إنه يواجهني بالحقيقة
قفلت الظرف وبصيت لأحمد
قلتله
كل ده كان ممكن أعرفه من زمان
ليه استنيت لحد النهارده
رد
عشان كنت جبان
كنت خايف أخسرك
وكنت فاكر إن السكوت هيحمينا كلنا
لكن لما عرفتي إن فيه عملية ممكن ترجعلِك نظرك حسيت إن كل الأسرار اللي دفنتها هتطلع للنور
قلتله
يعني إنت كنت رافض العملية عشان خايف أشوفك وأعرف الحقيقة
قال
أيوه
أنا كنت عارف إنك أول ما تشوفي صور محمود هتلاحظي الشبه بينا
وكنت خايف تفتكري إني هو
أو إنك تفتكري إني أخويا وإنه هو اللي اتجوزك
بصيتله بذهول
إنت فاكر إني ممكن أعيش عشرين سنة معاك ومبقاش عارفة صوتك وطريقتك
إنت فاكر إني هتلخبط بينك وبين أخوك لمجرد إنكم توأم
أحمد سكت
وبعدين قال
أنا عارف إن كلامي ملوش عذر
لكن الخوف خلاني أتصرف بغباء
في اللحظة دي باب الأوضة اتفتح ودخل ابني الكبير يوسف ومعاه أخته الصغيرة ليلى
يوسف كان عنده حوالي تسع سنين وليلى عندها ست سنين
أول ما شافوني قاعدة وعيني مفتوحة وقف مكانه ومتحركش
قال بصوت مكسور
ماما
إنتي شايفاني
ابتسمت وسط دموعي ومديت إيدي ناحيته
تعالى يا حبيبي
جري عليا
فضلت ألمس وشه بإيدي وأبص لملامحه
كنت عايزة أحفظ كل تفصيلة فيه
عينيه
وشعره
وابتسامته
كل حاجة كنت محرومة منها
قلتله وأنا بعيط
أيوه يا يوسف
شايفاك يا حبيبي
شايفة عينيك وشعرك ووشك الجميل
يوسف مسح دموعه وقال
طب أنا شبه بابا ولا شبهك
ضحكت رغم كل اللي كنت بمر بيه
وقلتله
إنت شبه نفسك يا حبيبي
إنت أجمل حاجة في حياتي
ليلى قربت مني بحذر ورفعت إيديها الصغيرة ناحية وشي
وقالت
ماما هو أنا كمان هتقدري تشوفيني كل يوم
وقلت
كل يوم يا روح ماما
هشوفك كل يوم وهفضل فاكرة وشك طول عمري
لكن وأنا بحضن ولادي كان أحمد واقف بعيد
ولأول مرة من سنين حسيت إن فيه مسافة كبيرة بيني وبينه
مسافة مش هتقدر الأيام تمحيها بسهولة
بعد ما الولاد خرجوا من الأوضة عشان يجيبوا لي شوية حاجات من البيت بصيت لأحمد وقلتله
أنا محتاجة أعرف كل حاجة
مش عايزة أسرار تاني
قال
هقولك كل حاجة
لكن قبل ما يكمل كلامه تليفونه رن
بص للشاشة واتغير لون وشه
سألته
مين
قال
المستشفى
رد على المكالمة وبعد ثواني سمعته بيقول
إيه
إزاي يعني
إمتى حصل الكلام ده
وبعدين قفل التليفون وبصلي
قلتله
فيه إيه
قال
فيه مشكلة في ملف العملية
الدكاترة اللي راجعوا التقارير اكتشفوا إن فيه بيانات قديمة ناقصة
وإنهم محتاجين نرجع المستشفى عشان يتأكدوا من تفاصيل حالتك
حسيت بالخوف
يعني العملية ممكن تفشل
قال بسرعة
لأ يا مريم
العملية نجحت فعلًا
لكن فيه حاجة في تاريخ إصابتك محتاجة مراجعة
فضلت أبصله وأنا حاسة إن القصة لسه مخلصتش
وبالفعل في اليوم التالي رجعنا المستشفى
الدكتورة سارة كانت مستنيانا في مكتبها
رحبت بيا وطلبت مني أقعد وبعدها فتحت الملف القديم
قالت
يا مريم فيه معلومة لازم تعرفيها
الإصابة اللي حصلتلك وإنتي طفلة كانت أخطر من اللي مكتوب في التقرير الأول
كان فيه تلف في جزء من الأنسجة المسؤولة عن الإبصار لكن مع مرور السنين ظهرت تغيرات خلت الأطباء يعتقدوا إن فيه فرصة للعلاج
العملية اللي عملناها كانت دقيقة جدًا والحمد لله النتيجة الأولية مبشرة
لكن لازم نتابع حالتك باستمرار عشان نتأكد إن نظرك مستقر
سألتها
يعني أنا هفضل أشوف
ابتسمت وقالت
إحنا متفائلين جدًا لكن محتاجين نتابعك بانتظام
وبعدين بصت لأحمد وقالت
وفيه حاجة تانية يا دكتور أحمد
إحنا لقينا في الأرشيف خطاب قديم متعلق بحادثة مريم
الخطاب ده كان متحطوط مع أوراق التحقيق القديمة
أحمد اتوتر بشكل واضح
سألها
خطاب من مين
الدكتورة قالت
من والد محمود وأحمد
كان الخطاب بيطلب إعادة فتح التحقيق في الحادثة لأن فيه شكوك إن سقوط مريم مكانش مجرد حادث عادي
حسيت إن الأرض بتتهز تحت رجلي
بصيت لأحمد وقلت
إنت كنت تعرف الكلام ده
رد بصوت واطي
كنت أعرف إن أبويا حاول يفتح الموضوع من زمان
لكن مكنتش أعرف إن الخطاب لسه موجود
الدكتورة طلعت نسخة من الخطاب وحطتها قدامي
كان مكتوب فيه إن محمود اعترف لوالده إنه كان بيتخانق مع كريم في الحديقة يوم الحادثة وإنه حاول يمنعه