وش طارق جاب ألوان، وبدأ يرجع لورا بخوف، وأمه ملامحها بهتت والكلمات هربت من لسانها.
أحمد هجم على طارق ومسكه من ياقة قميصه وأمسكه بقوة في الحيطة: “عايز تاخد شقا عمري اللي طافح فيه الجهد؟ وتتبلى على مراتي في شرفها؟ وتخلي أمي تطردها حافية على السلم؟”
طارق برعب وهو بيكح: “يا أحمد افهمني.. أنا كنت هتسجن.. الشيك هيدخلني المساءلة..”
أحمد عاتبه بحدة: “تتسجن عشان صايع وبتاع كيف! لكن تدمر بيتي وتخوض في عرضي؟!”
أمه صرخت وحاولت تشد أحمد: “سيب أخوك يا أحمد! دا لحمك ودمك، دي حتة بت غريبة ماتسواش ظفر أخوك!”
أحمد زق إيد أمه وبصلها بكسرة نفس: “غريبة؟ دي اللي صانت مالي اللي لحمي ودمي اخدوه! دي اللي وقفت في وشكم عشان تحمي شقانا! أنتم اللي غربتوني وكرهتوني في دمي!”
أحمد زق طارق بقوة ورماه على الأرض، ولف عشان ياخد نهى ويدخلوا الشقة. لكن في اللحظة دي، طارق اللي عماه الحقد والإهانة قدام نهى، لمح إناء زجاجي تقيل على الترابيزة جنب الباب. عينه لمعت بالشر، قام بسرعة البرق، مسك الإناء ورفعه بأقصى قوته عشان ينزل بيه على أحمد من ورا.
نهى لمحت خياله وصرخت بأعلى صوتها: “حاااااسب يا أحمـــــد!!!”
وأمه صرخت برعب: “لا يا طااااارق!!!”
صوت هبدة مرعبة هزت المكان، ووراها صوت تكسير إزاز، وأثر كتير طرطش على الحيطة… جسد تقيل وقع على الأرض فاقد الوعي غرقان في أثره.
نهى وقفت متصلبة، عينيها مبرقة، ومش قادرة تاخد نفسها من هول المنظر… لأن الشخص اللي واقع على الأرض غرقان في أثره.. ماكانش أحمد!!
#الكاتبه_نور محمد
يا ترى مين اللي اتأذى ووقع غرقان في أثره؟ وإيه اللي حصل في اللحظة الأخيرة قلب الموازين بالشكل المرعب دا؟ لو حابين تعرفوا إيه اللي حصل ومين اللي دفع التمن، تفاعل بلايك وخمس كومنت وهنزل الباقي فورا
البارت الثالث
وعيون “طارق” جحظت وهو بيبص لإيده اللي بتترعش وماسكة باقي الإناء المكسور. على الأرض كانت أمه غرقانة في أثرها، بعد ما رمت نفسها في آخر ثانية تفدي “أحمد” من ضربة أخوه!
أحمد بصراخ هز جدران العمارة: أميييييي!! عملت إيه يا متخلف؟ أذيت أمك يا طارق؟!
طارق بيرجع لورا بخطوات مهزوزة، صوته بيقطع: أنا.. أنا مكنتش أقصدها! هي اللي دخلت في النص فجأة! أنا كنت عايز أأذيك إنت!
نهى بتجري تجيب فوطة وتكتم بيها الأثر وهي بتعيط بهيستيريا: إسعاف يا أحمد! كلم الإسعاف بسرعة، طنط بتموت، الأثر مش راضي يقف!
أحمد بدموع نازلة زي المطر، حاضن راس أمه وبيضغط على الجرح: يا حبيبتي يا أمي.. فوقي عشاني! بيبص لطارق بغل وعروقه هتنفر: وحياة دمعتها دي لو جرالها حاجة لأشرب من أثرك، غووور من وشي كلم الإسعاف بدل ما أدفنك مكانك!
طارق رمى الإزاز من إيده، وطلع يجري على السلالم زي المجنون وهو بيصرخ: ماليش دعوة! أنا مش هروح في داهية بسببكم! أنا مش هتحبس!
هرب طارق وساب أخوه ومراته بيحاولوا ينقذوا أمه. أحمد شال أمه بين إيديه، ونهى بتسنده، نزلوا يجروا على المستشفى.
في الطوارئ، الدكاترة أخدوها بسرعة على أوضة العمليات، وأحمد قعد على الأرض في الممر ساند راسه بين إيديه، ونهى قاعدة جنبه بتطبطب عليه ودموعها مش بتقف.
أحمد بصوت مخنوق بالبكاء: شفتي يا نهى؟ شفتي الفلوس اللي كنتي بتحميها عملت فينا إيه؟ أخويا كان هيأذيني، وفي الآخر أذى أمي!
نهى بتمسح دموعه بحنية رغم رعبها: وحد الله يا أحمد، طنط هتقوم بالسلامة إن شاء الله. هي افتدتك بروحها، قلب الأم برضه مقدرش يشوف ابنها بيتأذى وسكتت.
أحمد بيجز على أسنانه: بس أنا مش هسكت يا نهى.. لو أمي جرالها حاجة، طارق مش هيكفيه عمري كله. دا حيوان مش بني آدم!
قاطع كلامهم ظابط مباحث داخل عليهم بخطوات سريعة.
الظابط: أستاذ أحمد؟ أنا الظابط نبيل. المستشفى بلغتنا بحالة والدتك لأن الإصابة فيها شبهة جنائية وضربة بآلة حادة على الجمجمة. مين اللي عمل فيها كدا؟
أحمد سكت ثواني، بيبص لنهى، صراع جواه بين إنه يسجن أخوه أو يكذب، بس افتكر منظر أمه والأثر: اللي عمل كدا يا فندم…
قبل ما أحمد يكمل كلمته، خرج ممرض بيجري من أوضة العمليات.
الممرض: يا أستاذ أحمد! والدتك فاقت لثواني وبتخرف باسمك وعايزة تشوفك ضروري قبل ما ندخلها العناية المركزة، بس بسرعة جداً!
أحمد دخل يجري، والظابط دخل وراه، ونهى وقفت على الباب بتبكي وبتدعي.
أمه كانت متوصلة بالأجهزة، وشها شاحب زي الموتى، وبتتنفس بصعوبة.
أحمد بيبوس إيدها بانهيار: أمي.. حقك عليا أنا، سامحيني، أنا السبب في كل دا!
الأم بصوت ضعيف جداً ومتقطع: أحـ.. أحمد..
الظابط بيقرب منها بحذر: حمد لله على سلامتك يا حاجة. تقدري تقوليلي مين اللي ضربك على راسك بالشكل دا؟ ابنك طارق؟
الأم عينيها بتتحرك ببطء لحد ما جت على نهى اللي واقفة تعيط على الباب، ورفعت صباعها اللي بيترعش وشاورت عليها بوضوح: لا… مش طارق…
أحمد بصدمة وجسمه كله اتنفض: إيه؟! بتقولي إيه يا أمي؟!
الأم بصوت مليان قسوة وتحدي رغم الموت اللي في عينيها: مراتك… نهى هي اللي ضربتني… عشان كشفتها وهي بتاخد فلوسك… خبت الفلوس وضربتني بالإناء عشان تسكتني وتهرب!
الكلمة نزلت زي الصاعقة على راس أحمد، الظابط لف بص لنهى بنظرة شك قوية، ونهى رجليها مشايلاهاش ووقعت على الأرض من هول الصدمة!
الظابط بصوت حازم لعساكره اللي برا: هاتوها! اقبضوا على المدام دي بتهمة الشروع في أذى حماتها والأخذ!
العساكر دخلوا كلبشوا نهى وهي بتصرخ وتستنجد بأحمد، وأحمد واقف متسمر في مكانه، مش قادر ينطق.. أمه بتضحي بمراته البريئة المخلصة عشان تنقذ ابنها المجرم حتى وهي بتموت!
نهى بتتبعد وعينيها في عين أحمد بتترجاه ينطق وينقذها بالكاميرا اللي سجلت كل حاجة.
يا ترى أحمد هيعمل إيه؟ هيطلع فيديو الكاميرا ويسجن أخوه ويفضح كذبة أمه؟ ولا هيسكت ويسيب مراته تدخل السجن ظلم عشان خاطر أمه اللي بين الحياة والموت؟
#البارت_الرابع
العساكر شدوا إيد “نهى” بقسوة ولفوا الكلابشات في إيديها، صوت الحديد وهو بيتقفل كان زي الرصاصة في قلب “أحمد”.
نهى بتبصله بدموع وعينيها بتترجاه ينطق، وأمه على السرير بتبصله بنظرة انتصار خبيثة رغم إنها بتموت!
نهى بصراخ وعياط بيقطع القلب: أحمد! إنت ساكت ليه؟ هسيبهم ياخدوني ظلم؟ دا أنا صنت شرفك وفلوسك يا أحمد! طلع تليفونك وريهم الفيديو! انطق وقولهم إن أخوك هو اللي عمل كدا!
أحمد واقف متسمر، عينه بين نهى اللي بتضيع، وأمه اللي بتنزف:
ليه يا أمي؟ ليه الظلم دا وإنتي بين إيدين ربنا؟ بتبيعي مراتي البريئة عشان تداري على ابنك اللي كان هيأذيني؟
الأم بصوت ضعيف كله قسوة بتكابر: طلقها يا أحمد… دي كدابة وما تستاهلش… أخوك بريء وميعملهاش.
الظابط بحسم للعساكر: يلا قدامي خدوها على البوكس! وإنت يا أستاذ أحمد مطلوب في القسم فوراً عشان ناخد أقوالك ونحرز الفلوس اللي كانت هتتاخد.
نهى وهي بتتشد لبرة الأوضة بانهيار: ياااااا رب! يااااا رب مليش غيرك، انصرني يا رب!
العسكري لسه هيخرج بنهى من الباب، أحمد فجأة فاق من صدمته، الغضب غلى في عروقه وصرخ بصوت زلزل المستشفى كلها.
أحمد: سيبووووبها!!! نزل إيدك من عليها يا عسكري! مراتي بريئة واللي عمل كدا “طارق” أخويا ومعايا الدليل!
الظابط بعصبية واستغراب: دليل إيه يا أستاذ؟ والدتك لسه بلسانها قايلة إن مراتك هي اللي ضربتها، والضحية أقوالها هي الأساس!
أحمد بيطلع تليفونه من جيبه وإيده بتترعش بجنون: أمي بتكدب عشان تحمي أخويا! أنا مركب كاميرا مخفية فوق الدولاب في الشقة ومسجلة كل اللي حصل بالصوت والصورة، لحظة بلحظة!
أحمد فتح الفيديو وقدم التليفون للظابط. الظابط مسك التليفون وبدأ يتفرج، وملامح وشه بتتغير من الاستغراب للغضب.
الظابط بذهول وهو بيبص للشاشة: يا نهار أسود… دا أخوك كان ماسك الإناء وعايز يضربك إنت من ضهرك! ووالدتك هي اللي رمت نفسها قدامه عشان تفديك!
الأم أول ما سمعت كلام الظابط، جهاز القلب بدأ يصفر بسرعة مرعبة: لا… لا يا أحمد… متفضحش أخوك… متحبسوش..
الظابط بيلف للعساكر بصوت جهوري: فكوا الكلابشات من المدام فوراً! وبلغوا القوة بسرعة تعمم أوصاف المدعو “طارق” في كل الأكمنة، أمر ضبط وإحضار بتهمة الشروع في أذى والدته!
