إسعاف خدها
فضلت واقف شوية وبعدين مشيت
روحت البيت
مراتي فتحت الباب وشافتني بدري استغربت
قالت انت جيت بدري ليه
مقدرتش أمسك نفسي
قلت لها اترفدت
قالت إيه
حكيت لها كل حاجة من أول ما شفت الست واقعة لحد ما المدير قال لي لم حاجتك
مراتي سكتت شوية وبعدين قالت
انت عملت الصح
قلت لها الصح خلاني أخسر شغلي
قالت لا الصح هيفضل صح حتى لو خسړت شغلك الشغل يتعوض إنما لو كنت سيبت الست ټموت كنت هتعيش ازاي مع نفسك
الكلمة دي فوقتني شوية
حضنتني وقالت هنلاقي شغل تاني أحسن منه
بناتي رجعوا من المدرسة
الصغيرة جريت عليا وقالت بابا جبت لي الشيكولاتة اللي وعدتني بيها
افتكرت إني كنت كل يوم بجيب لهم شيكولاتة وانا راجع
من الشغل
النهاردة مفيش شيكولاتة
مفيش شغل أصلا
قلت لها معلش يا حبيبتي نسيت بكرة هجيب لك
دخلت أوضتي وقفلت الباب وقعدت على السرير
فتحت التليفون
رسايل من زمايلي في الشغل
واحد بيقول لي متزعلش المدير كان مضغوط
واحدة بتقول لي انت اتسرعت كان المفروض تتصل وتقول إنك هتتأخر
واحد تالت بيقول لي يا ريتك كنت عديت وخلاص
محدش قال لي انت عملت الصح غير مراتي
بليل مراتي قالت لي لازم تروح بكرة تاخد حاجتك من المكتب
قلت لها مش عايز أروح
قالت لازم تروح تاخد حاجتك وكرامتك
تاني يوم الصبح لبست ورحت الشركة
دخلت المكتب وكل الناس بتبص لي
محدش بيتكلم
رحت على مكتبي
لقيت حاجتي محطوطة في كرتونة صغيرة
كرتونة صغيرة فيها
أربع سنين من عمري
صورة بناتي والمج اللي بشرب فيه القهوة والنوتة اللي بكتب فيها أفكاري والشاحن
شيلت الكرتونة وماشي ناحية الباب
سمعت صوت من ورايا
لو سمحت انت اللي ساعدت الست اللي وقعت امبارح على طريق المحور
لفيت
لقيت راجل طويل لابس بدلة غالية وشكله مهم
قلت له أيوة أنا
قال ممكن دقيقة
قلت له اتفضل
قال أنا ابن الست اللي انت ساعدتها
أنا اتجمدت مكاني
الكرتونة كانت هتقع من إيدي
قلت له هي عاملة إيه دلوقتي
قال الحمد لله كويسة انت أنقذت حياتها
قلت له إزاي
قال ماما عندها القلب وبتاخد علاج وكانت رايحة للدكتور لوحدها وتعبت في الطريق ووقعت ولو انت مكنتش وقفت وشيلتها ووديتها المستشفى بسرعة كانت ماټت
الدكتور قال كده
عيني دمعت تاني
قلت له الحمد لله إنها
ويسة
قال ماما من امبارح وهي بتسأل عليك عايزة تشكرك بنفسها
قلت له تشكرني على إيه أنا معملتش حاجة
قال لا عملت كتير عملت اللي 20 عربية عدت من جنبها ومعملوش
سكت شوية وبعدين قال هو صحيح انت اترفدت بسبب اللي حصل امبارح
بصيت في الأرض وقلت له أيوة
قال ليه
حكيت له اللي حصل
الراجل وشه احمر من الڠضب
قال يعني اترفدت عشان أنقذت حياة أمي
قلت له هو شايف إني ضيعت عميل مهم
قال عميل مهم أغلى من حياة أمي
مردتش
قال طب ممكن تيجي معايا
قلت له أروح فين
قال ماما عايزة تشوفك
قلت له مش هينفع أنا معايا كرتونة حاجتي وشكلي مبهدل
قال ولا يهمك تعال زي ما انت
خدني من إيدي ونزلنا
ركبنا
عربيته
عربية مرسيدس كبيرة
قال لي ماما في المستشفى الخاص اللي على أول الطريق
وصلنا المستشفى
دخلنا أوضة كبيرة
لقيت ست كبيرة نايمة على السرير وشكلها تعبان بس بتضحك
أول ما شافتني قالت انت
قلت لها أيوة يا حاجة
قالت تعال يا ابني
قربت منها
مسكت إيدي وقالت انت اللي شيلتني من الأرض
قلت لها أيوة
قالت ليه شيلتني كنت خاېف تتأخر على شغلك
قلت لها مقدرتش أسيبك
عيطت وقالت ربنا يبارك لك يا ابني ويبارك في بناتك أنا سمعت إن عندك بنتين
استغربت قلت لها عرفتي منين
قالت من المحفظة بتاعتك لما وقعت منك وانت بتشيلني ابني فتحها عشان يعرف انت مين لقى صورة بناتك
افتكرت إني
فعلا المحفظة وقعت مني
قالت ابني قال لي إنك اترفدت بسببي
قلت لها متقوليش بسببي ده نصيب
قالت لا بسببك انت راجل جدع والجدع في الزمن ده بيتعاقب
وبعدين بصت لابنها وقالت له مش قلت لك
ابنها قال أيوة يا ماما
الست قالت أنا بقى هرد لك الجميل
قلت لها يا حاجة مش عايز حاجة والله أنا عملت كده عشان ربنا
قالت عارفة بس ربنا بعتك ليا عشان أنا كمان أكون سبب في رزقك
ابنها طلع كارت من جيبه واداه لي
قال أنا صاحب مجموعة شركات كبيرة
شركات استيراد وتصدير ومقاولات وعندي شركة دعاية وإعلان زي اللي انت كنت شغال فيها بس أكبر منها 10 مرات
قلت له ما شاء الله
قال أنا بدور على
مدير للشركة بتاعة الدعاية بقالي 3 شهور ومش
