الست المضيفة قالت لي جدتك.. لما وصلت كاليفورنيا المرة دي.. طلبت من سواق تاكسي يوديها الحقل اللي الطيارة وقعت فيه من 27 سنة.. الحقل ده لسه موجود.. وهناك.. لقت حتة من الطيارة.. حتة صغيرة.. عليها رقم.. 34A.. كانت لسه هناك.. من 27 سنة.. ولما شافتها.. أغمى عليها.. وأنا كنت هناك بالصدفة.. بزور المكان كل سنة.. عشان ده المكان اللي اتولدت فيه من جديد.. ولقيتها
جدتي مسكت إيدي.. وقالت الحتة دي.. كانت من الكرسي بتاعي.. الكرسي اللي كنت قاعدة فيه أول مرة قابلت جدك.. الطيارة لما وقعت.. الكرسي اتكسر.. والحتة دي فضلت هنا.. مستنياني.. زي ما هو مستنيني
قلت لها طب وهنعمل ايه دلوقتي؟
قالت أنا هشتري الحقل ده
تشتري الحقل؟
آه.. هعمل بفلوس التذكرة الدرجة الأولى اللي انت جبتهالي.. هشتري الحقل.. وهعمل فيه مكان.. مكان صغير.. فيه شجر.. وورد.. وكرسي واحد.. 34A.. عشان أي حد حب حد وماټ.. ييجي يقعد هنا.. ويستناه
أنا كنت فاكرها بتهزر.. بس تاني
يوم.. رحنا الحقل.. حقل كبير.. فاضي.. وفيه يافطة قديمة.. مكتوب عليها موقع حاډث الرحلة 411.. ممنوع الدخول
جدتي دخلت.. ومشت لحد نص الحقل.. وقعدت على الأرض.. وطلعت الجناحين الفضة.. وحطتهم على الأرض.. وقالت
أنا جيت يا حبيبي.. المرة دي مش هسافر.. أنا هقعد جنبك هنا
واشترينا الحقل.. آه والله.. بفلوسها.. وتحويشة عمرها.. وفلوس التأمين اللي خدتها لما جدي ماټ من 27 سنة وكانت شايلاها في البنك ومش راضية ټلمسها.. اشترت الحقل
وبنت فيه.. مش بيت.. لا.. بنت فيه جنينة صغيرة.. فيها شجرة واحدة كبيرة.. وتحتها كرسي طيارة حقيقي.. كرسي 34A.. جبناه من طيارة قديمة خردة.. وحطيناه تحت الشجرة.. وكتبنا عليه
الكرسي ده.. مش للسفر.. الكرسي ده.. للي مستني حد.. ومتأكد انه هييجي
والناس بدأت تيجي.. ناس كتير.. ستات عواجيز.. ورجالة عواجيز.. وشباب صغير.. كل واحد فاقد حد.. ييجي يقعد في الكرسي.. ويبص للسما.. ويستناه
وجَدتي.. بقت تقعد هناك كل يوم.. من الصبح لبليل.. جنب الكرسي.. ومعاها الشنطة البني.. والجواب القديم.. والجناحين الفضة
ولما بقت تعبانة أوي.. مبقتش قادرة تروح كل يوم.. بقت تبعتّني أنا.. تقولي روح اقعد مكاني.
. عشان لو جه وملقانيش..
