والمحامية رفعت عليه قضية وكسبناها وخدت تعويض 100 ألف دولار
خدت التعويض واشتريت بيه مصنع جدي اللي كان هيبيعه
والمصنع النهاردة بيكسب في الشهر قد ال 15 مليون اللي كنت هاديله
وأنا كل ما أبص في المراية وأشوف شعري بيطول سنتي كل شهر بفتكر الورقة اللي سابها لي
دلوقتي شكلك بقيتي مضحكة زي حقيقتك
وأضحك وأقول له آه يا حبيبي شكلي مضحك بس حسابي في البنك مش مضحك خالص
شكلي قرعة بس دماغي مليانة
وانت شعرك موجود
بس دماغك فاضية
وده الفرق بين اللي بيحلق شعر واللي بيحلق كرامة
بعد ما اشتريت مصنع جدي بالتعويض اللي خدته منه الناس كلها قالت لي انتي مچنونة
مصنع قديم مكنه مصدي وعماله ماشيين ومحدش بيشتري منه
بس أنا كنت عارفة أنا بعمل إيه
جدي الله يرحمه كان بياخدني المصنع ده وأنا عندي 7 سنين وكان بيقعدني على مكتبه ويقول لي المصنع ده مش مكن المصنع ده ناس لو كسبتي الناس المكن هيكسب لوحده
روحت المصنع أول يوم لقيت العمال قاعدين على الأرض بيشربوا شاي ومفيش شغل
واحد كبير في السن قال لي يا بنتي احنا بقالنا 3 شهور مقبضناش وهنمشي
قلت له محدش هيمشي
طلعت دفتر جدي القديم اللي كان كاتب فيه كل حاجة بخط إيده
جدي كان بيكتب كل قرش بيصرفه حتى الشاي
لقيت صفحة كاتب فيها إن المصنع ده كان بيكسب دهب زمان بس لما تعب والفلوس راحت للمحامين عشان الورث المصنع وقع
جمعت العمال وقلت لهم بصوا أنا مش هكدب عليكم أنا معايا فلوس بس مش هصرفها على مكن جديد قبل ما أصرفها عليكم
قبضتهم ال 3 شهور متأخر من فلوس التعويض
وبعدين قلت لهم هنبدأ من الصفر هننضف المكن
بإيدينا
قعدنا أسبوع ننضف المصنع
أنا بفستاني وشعري اللي لسه بيطول حتة حتة وكنت بلبس كاب وبنضف معاهم
الناس في المنطقة بقت تقول القرعة بقت صاحبة مصنع
كنت بضحك
أصل أنا كنت قرعة بجد شعري كان لسه زيرو
بس قرعة واقفة على رجليها أحسن من واحدة بشعر طويل نايمة جنب واحد حالق لها شعرها غدر
بعد شهر المصنع اشتغل
عملت نفس المنتج اللي جدي كان بيعمله زمان بسكوت بالعجوة
بس غيرت الكيس خليته شكله حلو وكتبت عليه جملة جدي
الشعر بيطول والخير بيطول
البسكوت ضړب
الناس حبته عشان طعمه بتاع زمان
والمحلات بقت تطلبه
بعد 6 شهور المصنع بقى يورد ل 3 محافظات
بعد سنة بقى يورد لكل مصر
وبقيت أنزل إعلانات وأنا قرعة وشعري قصير لسه بيطول وأقول لهم أنا صاحبة المصنع اللي اتحلق لها شعرها يوم فرحها وقامت عملت مصنع
الناس حبت القصة
الستات بقت تيجي المصنع تتصور معايا وتقول لي انتي ادتينا قوة
وأنا أقول لهم لا أنا مديتش حد قوة انتو القوة عندكم من زمان بس كنتو مستنيين حد يحلق لكم شعركم عشان تفوقوا
خطيبي القديم بقى فين بقى في كل ده
بعد ما خسر القضية
وخسر ال 15 مليون وخسر منظره قدام 200 واحد أمه طردته من
البيت
آه والله أمه اللي كانت بتقول ابني كان يقدر يلاقي أحسن منها هي نفسها قالت له انت ڤضحتنا
راح أجر أوضة فوق سطوح وقعد يبعت لي كل يوم رسالة
وحشتيني
سامحيني
كنت غيران من فلوسك
كنت خاېف تسيبيني عشان أنا أقل منك
كنت بقرا الرسايل وأضحك
أقل مني في إيه هو الفلوس بتعلي حد وتوطي حد
أنا كنت هاديله 15 مليون وأنا راضية وبحبه
هو اللي شاف نفسه قليل فقرر يخليني قليلة زيه
يحلق لي شعري عشان نبقى زي بعض قليلين
مردتش عليه خالص
لحد ما في يوم لقيته واقف قدام المصنع
شعره طويل ومنكوش ودقنه طويلة ولابس نفس البدلة بتاعة الفرح اللي أنا شارياها بس مقطعة
قال لي عايز أشتغل عندك أي حاجة
بصيت له من فوق لتحت
الراجل اللي كان واقف على المنصة من سنة لابس رولكس وبيقول لي البسي باروكة واقف دلوقتي بيقول لي شغليني عندك
قلت له بتعرف تعمل إيه
قال بعرف أحلق
ضحكت ڠصب عني
ضحكت بصوت عالي وكل العمال بصوا
قلت له بتعرف تحلق آه ما أنت حلاق شاطر أوي حلقت لعروستك يوم فرحها زيرو
قال أنا آسف
قلت
له عارف أنا ممكن أشغلك
هشغلك تغسل المواعين في مطبخ المصنع
مرتبه 3 آلاف جنيه
قال موافق
قلت له بس بشرط تحلق شعرك انت الأول زيرو زي ما حلقت لي شعري عشان نبقى متساويين
سكت شوية وبعدين قال موافقة أحلقه
وجاب مكنة من عامل من العمال وحلق شعره زيرو قدام المصنع كله
وكل العمال كانوا واقفين يبصوا
بعد ما حلق قلت له لا مش هشغلك
قال ليه
قلت له عشان اللي يحلق شعر واحدة نايمة وغدرانة ممكن يحط سم في العجوة
أنا مصنعي ده أمانة جدي مينفعش أدخل فيه واحد غدار
خد بعضه ومشي وهو قرع زيي
ومن ساعتها مشفتوش تاني
بس سمعت إنه سافر يشتغل برا
أمه جت لي مرة المصنع ټعيط وتقول لي رجعيه ده بيحبك
قلت لها يا طنط اللي بيحب واحدة مش بيحلق لها شعرها يوم فرحها اللي بيحب واحدة بيطول لها شعرها
قالت عندك حق
ومشيت
دلوقتي أنا شعري طول
طول تاني بعد سنتين بقى لحد كتفي
بس عمري ما هطوله زي زمان
قصيته كاريه قصير وسبغته أحمر
عشان كل ما أبص في المراية أفتكر إني كنت قرعة في يوم من الأيام وقمت
والمصنع
بقيت كاتبة على بابه من برا جملة كبيرة
هنا مصنع الست اللي اتحلق لها شعرها يوم فرحها فعملت مصنع
والستات بتيجي من كل حتة تتصور جنب الجملة دي
والمحامية اللي وقفت جنبي بقت شريكتي في المصنع
وكل أول شهر بنعمل يوم في المصنع اسمه يوم القرعة
أي ست جوزها أو خطيبها أذاها في شعرها أو شكلها تيجي نحلق لها شعرها ببلاش ونعمل لها فستان أحمر ونصورها ونقول لها شعرك هيطول تاني بس كرامتك لو فضلتي معاه مش هتطول
والناس بتضحك وټعيط في نفس الوقت
وأنا كل ما حد يسألني انتي ندمتي إنك كنتي هتديله 15 مليون
أقول له لا
أنا ندمت إني كنت هدي 15 مليون لواحد مستكتر عليا شعري
الفلوس بتروح وتيجي بس اللي يحلق لك شعرك وانت نايمة ده عمره ما هيحبك وانت صاحية
ولو رجع بيا الزمن لنفس يوم الفرح وشفت الورقة اللي مكتوب فيها دلوقتي شكلك بقيتي مضحكة زي حقيقتك
هضحك تاني نفس الضحكة وهقول نفس الجملة
يا حبيبي اخترت اليوم المثالي
عشان اليوم ده هو اليوم اللي اتولدت فيه من جديد قرعة بس حرة
قرعة بس صاحبة
مصنع
قرعة بس شعرها هيطول تاني إنما هو هيفضل قرع طول عمره من جوا
